БИШКЕК, 9-июн. — Sputnik. Кыргызстандын түндүк региондорунда эртеңден баштап аптаптуу ысыктын табы кайтат. Бул тууралуу Кыргызгидромет агенттиги билдирди.
Синоптиктердин божомолу боюнча, 10-июндан тарта абанын температурасы 4-5 градуска төмөндөп, тоолуу райондордо өткүн өтөт. Мисалы, бүгүн Бишкек шаарында күн 40 градуска чейин ысыса, эртең 36, бүрсүгүнү 33 градуска чейин түшөт. Бирок 15-июндан тарта күндүн табы кайра 36 градуска жетери күтүлүүдө.
Ал эми Ош, Жалал-Абад облустарында жакынкы аралыкта күндүн табы кайтпай, 38-40 градустун чегинде болору айтылды.