БИШКЕК, 8-апр. — Sputnik. Кыргызгидромет агенттиги алдыдагы аптада Чүй облусунда жана Бишкек шаарында күтүлгөн аба ырайы тууралуу маалымат берди.
Борбор калаада 9-11-апрелде жаан жаап, күн күркүрөйт. Ал эми 12-апрелден 15-апрелге чейин асман ачык болот.
Сары-Өзөн Чүйдө 9-апрелде күндүз жана 10-апрелде түнкүсүн айрым жерлерде жаан, бийик тоолуу райондордо кар жаайт.
10-апрелде күндүз жана 11-апрелде көпчүлүк аймактарда жаан жаап, айрым жерлерде жаан-чачын катуу жаашы күтүлөт.
12-14-апрель күндөрү жаан-чачын болбойт. Бирок 15-апрелде күндүз айрым жерлерде жамгыр жаашы ыктымал.
9-11-апрель күндөрү батыштан соккон шамалдын ылдамдыгы секундасына 15-20 метрге жетери болжолдонууда.