БИШКЕК, 24-мар. — Sputnik. 2022-жылы 500 миңден ашык кыргызстандык Россиядан медициналык жардам алды. Бул тууралуу РФ саламаттык сактоо министринин орун басары Олег Салагай "Дени сак коом" форумунда билдирди.
Иш-чара 23-24-март күндөрү Санкт-Петербургда өтүп жатат. Ага КМШ мамлекеттериндеги саламаттык сактоо министрликтеринин өкүлдөрү катышууда. Кыргызстандан министр Гүлнара Баатырова жетектеген делегация барды. Ал форумда саламаттык сактоо тармагындагы аялдардын ролу тууралуу айтып берди.