БИШКЕК, 23-фев. — Sputnik. Транспорт жана жол инфраструктура башкармалыгында табылгалар бюросу ачылды. Бул тууралуу Бишкек мэриясы билдирди.
Маалым болгондой, ал жерге коомдук транспортто буюмдарын жоготуп же таап алган жарандар кайрылышат.
"Эгер сиз коомдук транспортто бир нерсени жоготуп же таап алсаңыз, анда тигил же бул маршрутту издөөнүн кажети жок. Болгону бюро менен байланышып, өтүнүч калтырыңыз. Тиркемеде сиз унутулган же табылган буюмду деталдуу сүрөттөп, маршруттун номерин, жоготкон убакытты көрсөтүшүңүз керек", — деп айтылат билдирүүдө.
Төмөнкү дарек боюнча кайрылсаңыздар болот: 7-Апрель көчөсү, 4а же WhatsApp номерлери: (0502) 20-52-02 (кичи автобустарда), (0990) 30-60-76 (троллейбустарда), (0700) 46-56-60 (автобустарда).