БИШКЕК, 12-фев. – Sputnik. Өлкө башчы Садыр Жапаров бүгүн расмий сапар менен Венгрияга учуп кетти. Бул тууралуу президенттин маалымат кызматы билдирди.
Сапардын алкагында жогорку деңгээлдеги эки тараптуу сүйлөшүүлөр, кыргыз-венгер бизнес-форуму жана башка иш-чаралардын өткөрүлүшү күтүлүүдө.
Кыргызстандын расмий делегациясынын курамы:
мамлекет башчынын жубайы Айгүл Жапарова;
тышкы иштер министри Жээнбек Кулубаев;
президенттин администрациясынын тышкы саясат бөлүмүнүн башчысы Муратбек Азымбакиев;
Кыргызстандын Венгриядагы атайын жана ыйгарым укуктуу элчиси Талантбек Кушчубеков;
билим берүү жана илим министри Уланбек Мамбетакунов;
санариптик өнүктүрүү министри Талантбек Иманов;
экономика жана коммерция министри Данияр Амангелдиев;
юстиция министри Аяз Баетов.