БИШКЕК, 7-дек. — Sputnik.1988-жылы 7-декабрда саат 11:41де СССРдин тарыхындагы эң кайгылуу трагедия болгон. Sputnik Ближнее зарубежье Telegram каналы мындан 34 жыл илгери Армениядагы ири зилзала тууралуу видео жарыялады.
Армениянын Спитак шаары 30 секунддун ичинде тыптыйпыл жок болгон. Жүздөгөн имараттар кулап, бир канча жолдор бузулган.
Зилзала 30 миң адамдын өмүрүн алып кетсе, 140 миңин майып кылды. Жарым миллиондон ашуун киши үй-жайынан ажырады.
Жаратылыш кырсыгынын кесепетин жоюуга бүткүл Советтер Союзу тикесинен тик турган.
Армениянын президенти Ваагн Хачатурян шаршемби күнү Спитактагы трагедиянын 34 жыл болгонун эске салып, элге кайрылуу жарыялады.
"Ошол жылы болгон кырсыктын экономикалык кесепети азыр да маанилүү бойдон турат", — деген ал.
Армения парламенти 34 жыл мурда Спитакта каза болгондорго аза күтүү мүнөтүн өткөрдү.