БИШКЕК, 5-ноя. — Sputnik. Түркиянын президенти Режеп Тайип Эрдоган НАТОнун башкы катчысы Йенс Столтенберг менен жолукканда Швеция, Финляндиянын НАТОго кирүү процессинин мөөнөтү алардын Анкаранын шарттарын аткарууга байланыштуу экендигин айткан. РИА Новости бул тууралуу маалымдады.
Швеция менен Финляндия Украинадагы окуялардан улам 2022-жылдын 18-майында НАТОнун башкы катчысына НАТОго кирүү боюнча арызын берген. Түркия буга өзүнүн реакциясын билдирип, арыздарды кароону чектеген. Бирок 29-июнда Түркия, Швеция жана Финляндия коопсуздук меморандумуна кол коюп, анда Анкаранын тынчсыздануулары эске алынары айтылган. Мындан улам Түркия алардын НАТОго кириши боюнча нааразылык кылып койгон тоскоолдуктарын алган. 6-октябрга карата алынган маалыматтарда 30 өлкөнүн ичинен 28и европалык эки мамлекеттин түндүк альянска кириши боюнча оң жоопторун берген. Эми соңку сөздү Венгрия менен Түркия айтмакчы.
"Президент Эрдоган Россия менен Украина чатагына чекит коюп, адилеттүүлүккө жетиш үчүн сүйлөшүүлөргө кайтып келүү зарылдыгын айтты. Эрдоган процессти Түркия, Швеция жана Финляндиянын ортосундагы меморандум жана бул өлкөлөр жасаган кадамдар тездетерине ишенет", — деп билдирди Түркия лидеринин канцеляриясы.
Греция темасын козгогон Эрдоган "Түркиянын аймакта чыңалууну күчөтпөстүгүн, Греция тунук акылга жана диалогго негизделген кадамдарды жасаса жакшы болмоктугун" айткан.
Столтенберг социалдык тармакта жолугушууга өзүнүн баасын берген. Ал Эрдоганга "эгин коридорундагы" ролуна ыраазылык билдирген. Андан сырткары Швеция менен Финляндиянын НАТОго кириши боюнча арызды кароонун соңуна чыгышы альянсты бекемдейт деген пикирин айткан.