БИШКЕК, 5-июл. — Sputnik. "Дордой" базарындагы эки кабаттуу контейнерлерден чыккан өрт саат 11:32де чектөөгө алынды. Бул туурасында Өзгөчө кырдаалдар министрлиги билдирди.
Болжол менен өрттүн жалпы аянты 1 000 чарчы метрди түзөт. Аталган контейнерлерде тез татым жасоочу жана кийим сатуучу жайлар жайгашканы айтылды.
Жеринде ӨКМдин 60 куткаруучудан турган 7 бригадасы, бир автошаты, бир суу ташуучу унаа жана штаб тартылып, өрттү толук өчүрүү иши жүрүүдө.
Базардын борбордук өтмөгүнө кире бериштеги контейнерден жалын бүгүн эртең менен тутанган.