БИШКЕК, 6-апр. — Sputnik. Бейшемби күнү күндүз өлкөнүн тоолуу райондорунда кар жаайт. Ал эми дыйканчылык аймактарда күн ачык болот. Бул тууралуу Кыргызгидромет маалымдады.
Түштүк-батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.
Абанын температурасы Чүйдө +25…+30, Талас жергесинде +22...+27, Ош, Жалал-Абад, Баткен облустарында +26…+31, Ысык-Көл менен Нарын аймагында +16...+21 градуска ысыйт.
Термометрдин көрсөткүчү Бишкекте +28...+30, Ош калаасында +29…+31 градуска жетет.