БИШКЕК, 4-апр. — Sputnik. Украинанын Бучадагы сахналаштырылган окуясын Россияга каршы колдонууга аракет кылып жатышат. Бул тууралуу РФ тышкы иштер министри Сергей Лавров БУУнун башкы катчысынын орун басары Мартин Гриффитс менен жолукканда билдирди.
"Россиялык аскерлер бул шаардан 30-мартта эле толугу менен чыгып кеткен. 31-мартта калаа мэри салтанаттуу түрдө аларда баары жакшы экенин айтып чыккан. Ал эми эки күн өткөндөн кийин көчөлөрдө азыр көрсөтүлүп жаткан спектакль уюштурулуп, Россияга каршы колдонуу аракеттери жүрүп жатат", — деди министр.
Эске салсак, украин бийлиги менен ЖМКлары Киевдин жака-белинде "орустардын кылмышы" тууралуу тартылган видеону таратты. Аталган тасмада жолдо адамдардын сөөгү жатканы тартылган. Көргөндөр "сөөктөрдүн" колу кыймылдап, аскер техникасынын алдында калбоого аракет кылып жатканын байкашкан. Ал эми бир транспорттун күзгүсүнөн машина өтөрү менен туруп бараткан "маркумду" көрүүгө болот. Россиянын Коргоо министрлиги Украина бийлигинин Буча шаарындагы россиялык жоокерлердин "кылмышын" тастыктады делген материалы кезектеги чагымчылык экендигин билдирген.