БИШКЕК, 16-фев. — Sputnik. Аида Исмаилова Кыргызстандын Түштүк Кореядагы атайын жана ыйгарым укуктуу элчиси болуп дайындалгандыгын мамлекет башчынын маалымат кызматынан кабарлашты.
Жарлыкка президент Садыр Жапаров кол койгон.
Ушул эле күнү Жапаров Кореядагы мурдагы элчи Динара Кемелованы кызматтан бошоткон жарлык чыгарган.
Исмаилова соңку ирет вице-премьер болуп беш ай иштеп, 2020-жылдын октябрында аталган кызматтан кеткен.