Мамаев 16 жашынан бери улак тартып келет. Жаштайынан мал баккан ата-энесине кол кабыш кылып, эшек, ат, бука минип чоңойгон. Кийин өзү курактуу балдар менен аламан мелдештерге катыша баштаган.
Анын айтымында, аламан улак өтө кооптуу оюн, бут, кол сынат, баш жарылат.
"Улакка 16 жашымдан бери түшөм. Оюндун эрежелери бизде өтө катуу. Беттешке миң ат чыгат, ошонун ичинен торпокту алып чыгышың керек. Аламан өтө кооптуу оюн, бут, кол сынат, баш жарылат. Бир жолу бутум сынып, 12 күн ооруканада жатып темир салдырып, 12 күндөн кийин бул жакта улакка түшкөм. Ошол бойдон бутум кыйшык болуп калды", — деди Мамаев.
Атагы алыска кеткен спортчу акыркы он жылда эле мелдештерден жүздөй автоунаа утканга жетишкен. Кыргызстандык улакчыны азыр коңшу Казакстан, Өзбекстан, Тажикстанга чейин оюндарга чакырып турушат.
Тема боюнча: