БИШКЕК, 6-янв. — Sputnik. Тышкы иштер министрлиги мекенге кетүүнү каалаган Кыргызстандын жарандарын кыргыз-казак чек арасындагы өткөрмө пунктулары аркылуу эвакуациялай баштады. Бул тууралуу ТИМдин маалымат кызматы кабарлады.
Билдирмеге караганда, мекендештерди ташуу үчүн ТИМдин тапшырмасы боюнча Алматы шаарындагы Башкы консулдук тарабынан автобустар уюштурулган.
"Эвакуациялоого кеткен чыгымдардын баары төлөнүп, азыркы кезде жарандар "Ак жол" көзөмөл-өткөрмө пунктун көздөй келе жатышат. Ал жерден жарандарды ТИМдин Консулдук кызмат департаментинин кызматкерлери тосуп алып, керектүү жардам көрсөтүшөт", — деп айтылат маалыматта.
Тышкы иштер министрлиги кыргыз-казак көзөмөл-өткөрмө пунктулары кадимки штаттык негизде иштеп жатканын айтып, мекенине кайтууну каалаган кыргызстандык жарандар чек арадан тоскоолдуксуз өтө аларын белгиледи. Кырдаалга байланыштуу кыргыз жана чет өлкөлүк жарандардан ПЦР-тест талап кылынбайт.
ТИМ Консулдук кызмат департаментинде, Кыргызстандын Казакстандагы элчилигинде жана Алматы шаарындагы Кыргызстандын Башкы консулдугунда ыкчам байланыш телефондору иштеп жатканын кошумчалады. Ал номерлер аркылуу Казакстандагы кыргыз жарандары бардык суроолорго жооп ала алышат.
КР ТИМинин Консулдук кызмат департаменти:
+996 551 312 000 — ыкчам байланыш номери;
+996 555 007 626;
+996 708 52 21 37;
+996 707 989 895;
+996 709 983 465;
КРдин Нур-Султан шаарындагы элчилиги:
+7 (776) 124-88-33;
+7 777 4733009.
КРдин Алматы шаарындагы Башкы консулдугу:
+7 (777) 037-14-48;
+7 (777) 815-00-72.
Мындан тышкары, Алматы шаарындагы жана анын айланасындагы мекендештерге зарыл болгон учурда төмөнкү номерлерге кайрылуу сунушталган:
+7 777 8150072 — Кайрат Жакыпов;
+7 777 0371448 — Гульзат Абдурасулова;
+7 777 0275596 — Жаркынай Сансызбаева;
+7 775 4634295 — Медер Сапаралиев.
ТИМ Казакстандагы мекендештерди чагымчылдыкка алдырбоого, чыр-чатактуу окуяга катышпоого чакырып өткөн.