БИШКЕК, 21-дек. — Sputnik. Сокулук райондук милициясы дайынсыз жоголгон 10 жаштагы Данил Семеновду издеп жатат. Бул тууралуу Чүй ОИИББ билдирди.
Маалыматка караганда, өспүрүм 19-декабрь күнү саат 15:00 чамасында үйүнөн чыгып кетип, кайра кайтып келген эмес.
Өзгөчө белгилери: бою 150 сантиметр, арык чырай, чачы сары, бетинде сепкили бар.
Үстүнө кара түстөгү спорттук шым, кара кофта, жеңи жок кара күрмө, кара кепич кийип жүргөн. Өспүрүм буга чейин да үйүнөн качканы айтылды.
Баланы көргөндөр болсо (0312) 43-01-27, (0312) 43-88-85, (0312) 60-75-67, 0558 86 14 86, 0709 35-35-29 номерлерине кабарласа болот.