БИШКЕК, 11-июн. — Sputnik. Кыргызстандын футбол боюнча курама командасы бүгүн мьянмалык атаандаштарын 8:1 эсебинде утуп алды.
Курама команданын капитаны Мирлан Мурзаев хет-трик жасады. Ага тиешелүү үч голдун экөө оюндагы эң кооз гол болду деп айтсак болот. Андан тышкары, Турсунали Рустамов, Гүлжигит Алыкулов, Алимардон Шүкүров, Фархат Мусабеков жана Абай Боколеев атаандаштын дарбазасына бирден топ киргизишти.
Бүгүнкү оюн кандай өткөндүгүн толугу менен билгиңиз келсе, Sputnik агенттигинин тексттик трансляциясын окуңуз.