Быйылкы парадга 12 миңден ашуун жоокер катышары кабарланды. Салтанатка аскердик техниканын 190 түрү катышары айтылууда. Алардын арасында тарыхый раритеттен сырткары, көптөрдүн кызыгуусу менен таңдануусун жараткан заманбап, кубаттуулары да бар.
Улуу Ата Мекендик согуштан кийинки биринчи парад 1945-жылдын 24-июнунда Москвадагы Кызыл аянтта өткөн. Аны Советтер Союзунун маршалы, 1-Беларусь фронтунун командачысы, Жогорку башкы командачынын орун басары Георгий Жуков кабыл алган. Ал эми парадды Советтер Союзунун маршалы, 2-Беларусь фронтунун командачысы Константин Рокоссовский башкарган.