БИШКЕК, 13-янв. — Sputnik. Бишкекте уюшкан кылмыштуу топтун активдүү мүчөсү, "Алтуха" каймана аты менен таанымал Алтынбек Ибраимов кармалды. Бул тууралуу Улуттук коопсуздук мамлекеттик комитетинен кабарлашты.
Ибраимов УКМКнын тергөө абагына киргизилди. Учурда анын тийиштиги бар делген фактылар боюнча ыкчам тергөө иштери аткарылып жатат.
Эки күн мурда кримавторитетти профилактикалык баарлашууга ИИМ чакырган болчу. Ага коомдук тартипти сактабай, мыйзам бузса жоопко тартылары эскертилген.