БИШКЕК, 17-окт. — Sputnik. Кайгуул милициянын кызматкерлери Бишкектин чок ортосунан жоголгон 11 жаштагы кызды тапты. Бул туурасында ведомствонун маалымат кызматы билдирди.
Бишкектин чок ортосунан жоголуп кеткен тестиер кыз табылды. Сүрөт
© Фото / пресс-служба УПСМ
16-октябрда кечки саат 21:15 чамасында Бишкек ШИИБдин нөөмөт бөлүмүнө тестиердин апасы кайрылган. Анда кызы Турусбеков көчөсүндөгү үйүнөн чыккан бойдон дайынсыз экенин айткан.
Милиция аны калаанын Чүй проспектиси менен Исанов көчөлөрүнүн кесилишинен таап, ата-энесине өткөрүп берген.