БИШКЕК, 17-июл. — Sputnik. Премьер-министр Кубатбек Боронов Евразия экономикалык биримдигинин өкмөттөр аралык кеңешинин кезектеги жыйынына катышуу үчүн Минск шаарына учуп кетти. Бул тууралуу өкмөттүн маалымат кызматы кабарлады.
Ага ылайык, жыйындын күн тартибинде соода, өнөр жай, экономика, финансы саясаты жана агрардык өнөр жай комплекси тармактарында өз ара иштешүү маселелери бар.
Боронов Мишустин менен коронавируска каршы чараларды талкуулады
Ошондой эле тараптардын ЕАЭБдин жалпы газ рыногун түзүү, бирликтин финансы рыногунун концепциясын иштеп чыгуу жана башка бир катар темаларды талкуулоосу пландалган.
Кеңештин алкагында өкмөт башчынын бир нече жолугушуу өткөрүүсү күтүлүүдө.