БИШКЕК, 20-апр. – Sputnik. Бүгүн, 20-апрелде, Кыргызстанга Кытайдан атайын дарыгерлер тобу келди. Бул тууралуу өкмөттөн билдиришти.
Кытай дарыгерлери коронавирус менен күрөшүү үчүн Кыргызстанга келди. Сүрөт
© Фото / Республиканский штаб КР по борьбе с COVID-19
Маалыматка караганда, Кытай медиктери атамекендик адистерге коронавирус инфекциясына каршы күрөшүүдө көмөк көрсөтүп, топтолгон тажрыйбасы менен бөлүшөт.
“Медиктер тобу жергиликтүү адистерге оорулууларды дарылоодогу мыкты ыкмаларын үйрөтүшөт”, - дешти өкмөттөн.
Белгилей кетсек, Кыргызстанга Кытайдан медициналык эксперттерди жөнөтүү тууралуу макулдашууга 2020-жылдын 14-апрелинде президент Сооронбай Жээнбеков менен Кытай Эл Республикасынын төрагасы Си Цзиньпиндин телефон аркылуу сүйлөшүүсүнүн жүрүшүндө макулдашылган.
Польша менен Кытайдан келген дарыгерлер кандай шартта иштей турганын материалдан окуңуздар.