БИШКЕК, 24-окт. — Sputnik. Кыргызстандыктар учак менен аз каттап калды. Бул тууралуу Улуттук статистика комитетинин тогуз айдагы өлкөнүн социалдык-экономикалык өнүгүшүнүн жыйынтыгы боюнча маалыматында айтылат.
Жалпысынан 2019-жылдын январынан сентябрь айына чейин жүргүнчүлөрдүн саны 538 миллиондон 559 миллионго чейин жеткен. Өткөн жылдын ушул мезгилине салыштырмалуу жүргүнчүлөрдүн саны транспорттун дээрлик бардык түрү боюнча өскөн. Атап айтканда, такси, поезд, автобус, троллейбус кызматын пайдаланышкан. Бирок учак менен каттагандардын саны 1,071 миллиондон 823,1 миң кишиге азайган. Ошол эле учурда бул көрсөткүч ички же тышкы каттамдарга тиешелүү экени так берилген эмес.
Кыргызстандагы авиациянын азыркы абалы кандай экенин бул жактан окуңуз.