БИШКЕК, 3-сен. — Sputnik. Билим берүү жана илим министрлигинин жооптуу кызматкерлери 1-2-класстын окуучулары үчүн "Математика" китебин сатып алууда мыйзам бузган. Бул тууралуу Башкы прокуратурадан билдиришти.
Маалыматка караганда, тендердин жалпы баасы 91 миллион сомго жакын каражатты түзөт.
"1-2-класстын окуучулары үчүн "Математика" китеби менен методикалык китепчелерди алууда мыйзам бузулган. Тагыраагы, тендерге катышкысы келген компаниялардын мүмкүнчүлүктөрүн чектеген техникалык эрежелер иштелип чыккан. Мындан улам бардык катышуучуларга бирдей шарт түзүлгөн эмес. Товарды кайсы компания алып келиши керектигин министрликтеги жооптуу кызматкерлер алдын ала билишкен", — деп айтылат маалыматта.
Текшерүүнүн жыйынтыгында Башкы прокуратура премьер-министрге билдирүү жөнөттү.