БИШКЕК, 20-июн. — Sputnik. Өзбекстандын президенти Шавкат Мирзиёев башкы прокурорду алмаштырды. Бул тууралуу маалымат мамлекет башчысынын расмий сайтына жарыяланды.
Ага караганда, президенттин Жарлыгы менен Отабек Муродов башкы прокурорлуктан бошотулду. Башка Жарлык менен аталган кызматка Нигматилла Йулдошев дайындалды.
2015-жылдан бери Йулдошев сенаттын төрагасы болуп келген. 2016-жылдын сентябрь айында Өзбекстандын биринчи президенти Ислам Каримов каза тапканда Йулдошев Конституция боюнча президенттин милдетин аткаруучу болуп дайындалышы керек эле. Бирок ал кызматтан баш тартып, ордуна Миризёев келген. Кийин Мирзиёев шайлоодон жеңип чыккан.