БИШКЕК, 6-дек. — Sputnik агенттигинин маалымат кызматы. Sputnik Кыргызстан маалымат агенттиги жана радиосунун кабарчысы Мирбек Сакенов Жусуп Баласагын атындагы Кыргыз улуттук университети, Ишеналы Арабаев атындагы Кыргыз мамлекеттик университети жана Эл аралык Кувейт университетинин журналистика факультетинин студенттерине мастер-класс өттү.
Ал конкреттүү мисалдардын негизинде журналисттик иликтөө үчүн маалыматтарды топтоо, эксклюзивдүү маалымат булагын табуу жана архивдик материалдар менен иштөөнүн жолдорун айтып берди.
"Мен келечектеги кесиптештерди оор, мааниси терең, эксклюзивдүү темалардын үстүндө иштөөгө шыктандырууга аракет жасадым. Ошондой эле ар бир журналист кийин сыймыктана тургандай материалдарды даярдоого бел байлаганы оң экени тууралуу кеп кылдым", — деди Сакенов.
SputnikPro — бул Россиянын мыкты медиа-менеджерлеринин жана алдыңкы адистеринин презентация жана мастер-класстары. Алар өз тажрыйбаларын журналисттер, маалымат катчылар, жогорку курстун студенттери менен бөлүшөт.
Белгилей кетсек, SputnikPro долбоору 2018-жылы жазында башталып, Белоруссиянын, Грузия, Азербайжан жана Армениянын медиа коомчулугунун жогорку баасын алган.
Үч жыл ичинде Sputnik сайты постсоветтик мамлекеттердеги ЖМКлар арасында жаңыча ыкма менен иштеп алдыңкы орундарга чыкты.
Жакынкы чет мамлекеттердеги Sputnik порталы улуттук жана орус тилинде чыгып, окурмандарга түрдүү мультимедиалык маалыматтарды сунуштайт.
Инфографика, видео, сүрөт түрмөгү, онлайн-эфирлер, сурамжылоо жана подкасттарды таап окусаңыздар болот. Күнүмдүк жаңылыктардан тышкары, Sputnik агенттиги аналитикалык материалдарды жана эксклюзивдүү маектерди да окурмандарга сунуштайт.