Ал өкмөттүн өкүлү болуп иштеп турганда облустук оорукананы текшергени барып бир топ таң калычтуу окуяларга күбө болгонун мисал келтирип, шаардык оорукананын жетекчисине эскертүү берди.
"30-40 жыл дарыгер болуп иштегендердин бөлмөсүнө кирсең, бир терезесин алмаштырып койгон эмес. Акыбалы түрмөдөн бетер начар. Кайсы бөлүм канча акча алып келет экен деп үмүт кылбай жөн иштегиле. Тапкан акчаңарга ооруканаңарды оңдогула, мамлекеттен бөлүнгөн акчаны максаттуу пайдалангыла. Үстүңөрдөн бир сөз уга турган болсом, бир мүнөттө кетесиңер", — деди Сарыбашев.
Мындан сырткары, ал ушуга окшогон коррупциялык иштердин айынан элдин бийликке болгон ишеними кетип, кайсы жерге барба нааразы болгондор көп экенин белгиледи.
Ошондой эле Сарыбашев президенттин коррупцияга каршы күрөшүү аракетине катардагы кызматкер да сырттан карап турбашы керектигин кошумчалады.