БИШКЕК, 30-июл. — Sputnik. Аламүдүн районуна караштуу деңиз деңгээлинен 4100 метр бийиктикте жайгашкан №9 Скрябин мөңгүсүнөн таш кулап жети турист жабыркады. Бул тууралуу ӨКМден маалымдашты.
Алдын ала маалыматтар боюнча окуя бүгүн, 30-июлда саат 13.00дөр чамасында болгон.
"Туристтер мөңгүгө чыгып баратканда таш кулап, бардыгы жабыркаган. Алдын ала маалыматтар боюнча алар Казакстандын жарандары. Аларды эвакуациялоо үчүн ӨКМ тарабынан Казакстандын ИИМ жетекчилигине кат жолдонду", — деп айтылат маалыматта.
Тик учак 31-июль күнү эртең менен эрте туристтер калган жерге уча турган болду. Кошумча маалымат берилет.