15:38 25 Бирдин айы 2020
Түз эфир
  • USD69.8500
  • EUR75.6266
  • RUB1.0863
Кыргызстанда
Кыскача шилтеме алуу
242 0 0

Өлкөдө эмгекке жарамдуу курактагылардан улуу эркектердин саны 150 миңди түзсө, аялдар 349 миңге чамалап барат.

БИШКЕК, 1-окт. — Sputnik. Кыргызстандын калкы акырындап улгаюу босогосуна жакындоодо: 2019-жылдын башында 65 жаштагылар жана андан улуулар 301 миңдей адамды же кыргызстандыктардын 4,7 пайызын түзүп турган. Бул тууралуу Улуттук статистика комитетинин маалымат кызматы кабарлады.

Буга карабастан КМШнын башка өлкөлөрүнө салыштырмалуу бул көрсөткүч бир топ төмөн экендиги айтылат. Маалымат иретинде билдирсек, 2018-жылы бул көрсөткүчтөр Азербайжанда 6,8 пайыз, Казакстанда 7,3 пайыз, Арменияда 11,9 пайыз, Россияда 14,6 пайыз, Белоруссияда 15,2 пайыз болгон.

БУУнун божомолдоосу боюнча, Кыргызстанда мындай тенденция болжол менен 2030-жылдарда пайда болот, ошол мезгилде 65 жаштагы жана андан улуулардын саны 7 пайызга жакындап барат.

"Кыргызстанда эмгекке жарамдуу курактагы адамдардан улуулардын саны 1950-жылы туулган, согуш маалындагы муунга салыштырмалуу көптөрдүн пенсия курагына өткөндүгүнүн эсебинен жылына көбөйүп бара жатат. Акыркы беш жыл ичинде эле ушул курактагылардын саны республика боюнча жалпысынан 91 миңге же 22 пайызга көбөйдү", — деп айтылат маалыматта.

Эмгекке жарамдуу курактагылардан улуу эркектердин (63 жаш жана андан улуулар) саны 150 миңди түзсө, аялдардын саны (58 жаштагылар жана андан улуулар) 349 миңге чамалап барган.

Социалдык фондунун жана башка министрликтер менен мекемелердин маалыматында, 2018-жылдын аягында каттоодо 694,8 миңге жакын пенсионер турат.

2018-жылы пенсиянын орточо көлөмү 5 760 сом болуп, пенсионерлер үчүн жашоо минимумунун бюджетинен 1,3 эсе жогору болгон (4282,99 сом).

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

Кыргызстанда ички миграция солгундады
Кыргызстанда беш жылда канча бала мектепке жана бакчага барды? Статистика
Белгилер:
аял, эркек, карылар, Улуттук статистика комитети, Кыргызстан

ЭҢ МААНИЛҮҮ