https://sputnik.kg/20260421/madyar-zelenskiyge-keskin-talap-koydu-1100902061.html
"Опузалоого жол бербейбиз". Мадьяр Зеленскийге кескин талап койду
"Опузалоого жол бербейбиз". Мадьяр Зеленскийге кескин талап койду
Sputnik Кыргызстан
БИШКЕК, 21-апр. — Sputnik. Венгриянын болочок премьер-министри Петер Мадьяр Владимир Зеленскийден "Дружба" газ түтүгү аркылуу Россиянын мунайын кайра өткөрө... 21.04.2026, Sputnik Кыргызстан
2026-04-21T09:47+0600
2026-04-21T09:47+0600
2026-04-21T09:47+0600
дүйнөдө
евробиримдик
венгрия
владимир зеленский
талап кылуу
https://sputnik.kg/img/07e6/0c/1d/1071597962_0:115:3058:1835_1920x0_80_0_0_542b3c5e2310cde21d8cfc8f7520a129.jpg
БИШКЕК, 21-апр. — Sputnik. Венгриянын болочок премьер-министри Петер Мадьяр Владимир Зеленскийден "Дружба" газ түтүгү аркылуу Россиянын мунайын кайра өткөрө баштоону талап кылды. Бул туурасында РИА Новости жазды. Буга чейин Венгриянын азыркы өкмөт башчысы Виктор Орбан Брюссель ага Украина дүйшөмбүдөн тарта мунай берүүнү калыбына келтирүүгө даярдыгын билдиргенин айткан. Ошол эле учурда алар Будапешттен ЕБдин Киевге берилчү 90 миллиард евро насыясын бөлүү иштерине тоскоол болбоону талап кылышкан. Мадьяр экинчи тарап адегенде россиялык мунайды жөнөтүшү керектигин, андан соң Венгрия ветону алып сала турганын билдирген. Украина россиялык нефть экспорттолгон "Дружба" түтүгүнүн өз аймагынан өткөн бөлүгү бузулду деген шылтоо менен 27-янврада жаап койгон. Венгриядан Украинага дизель жөнөтүлбөй, кийин Будапешт Евробиримдиктин 90 миллиард евро өлчөмүндөгү насыясын жана санкциялардын 20-пакетин бөгөттөп салган. Өлкө бийлиги мындай кадамын россиялык мунайдын өтүшүн саясий себептерден улам токтотуп койгон Киевдин опузасына жооп деп атаган. Украинанын 2026-2027-жылдарга каралган каржылык муктаждыгын жабуу үчүн Евробиримдикке мүчө өлкөлөр 90 миллиард евролук биргелешкен насыя боюнча чечимди 2025-жылдын декабрындагы саммитте кабыл алышкан. Венгрия, Словакия жана Чехия буга катышуудан баш тартышкан. Саммиттен кийин Венгриянын ошол кездеги премьер-министри Виктор Орбан Украина каражатты баары бир кайтарып бербестигин, Евробиримдиктин Киевге берген бул насыясын аталган чечимди кабыл алгандардын балдары менен неберелери төлөп каларын баса белгилеген.
https://sputnik.kg/20260420/yevrobirimdiktin-ukrainaga-nasyyasy-1100886791.html
венгрия
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, евробиримдик, венгрия, владимир зеленский, талап кылуу
дүйнөдө, евробиримдик, венгрия, владимир зеленский, талап кылуу
"Опузалоого жол бербейбиз". Мадьяр Зеленскийге кескин талап койду
БИШКЕК, 21-апр. — Sputnik. Венгриянын болочок премьер-министри Петер Мадьяр Владимир Зеленскийден "Дружба" газ түтүгү аркылуу Россиянын мунайын кайра өткөрө баштоону талап кылды. Бул туурасында
РИА Новости жазды. "Мен Украинанын президентине кайрылууга даярмын. Эгерде "Дружба" мунай кууру пайдаланууга жарактуу болсо, берилген убада боюнча аны кайра ачууну өтүнөм. Биз опузалап, басым кылууга эч кандай жол бербейбиз", — деп айткан ал журналисттердин суроолоруна жооп берип жатканда.
Буга чейин Венгриянын азыркы өкмөт башчысы Виктор Орбан Брюссель ага Украина дүйшөмбүдөн тарта мунай берүүнү калыбына келтирүүгө даярдыгын билдиргенин айткан. Ошол эле учурда алар Будапешттен ЕБдин Киевге берилчү 90 миллиард евро насыясын бөлүү иштерине тоскоол болбоону талап кылышкан.
Мадьяр экинчи тарап адегенде россиялык мунайды жөнөтүшү керектигин, андан соң Венгрия ветону алып сала турганын билдирген.
Украина россиялык нефть экспорттолгон "Дружба" түтүгүнүн өз аймагынан өткөн бөлүгү бузулду деген шылтоо менен 27-янврада жаап койгон. Венгриядан Украинага дизель жөнөтүлбөй, кийин Будапешт Евробиримдиктин 90 миллиард евро өлчөмүндөгү насыясын жана санкциялардын 20-пакетин бөгөттөп салган. Өлкө бийлиги мындай кадамын россиялык мунайдын өтүшүн саясий себептерден улам токтотуп койгон Киевдин опузасына жооп деп атаган.
Украинанын 2026-2027-жылдарга каралган каржылык муктаждыгын жабуу үчүн Евробиримдикке мүчө өлкөлөр 90 миллиард евролук биргелешкен насыя боюнча чечимди 2025-жылдын декабрындагы саммитте кабыл алышкан. Венгрия, Словакия жана Чехия буга катышуудан баш тартышкан.
Саммиттен кийин Венгриянын ошол кездеги премьер-министри Виктор Орбан Украина каражатты баары бир кайтарып бербестигин, Евробиримдиктин Киевге берген бул насыясын аталган чечимди кабыл алгандардын балдары менен неберелери төлөп каларын баса белгилеген.
