https://sputnik.kg/20251214/sherkul-duyshonaliyev-68-zhash-kuragynda-kaza-tapty-1098563914.html
Композитор, ырчы Шеркул Дүйшөналиев 68 жаш курагында дүйнө салды
Композитор, ырчы Шеркул Дүйшөналиев 68 жаш курагында дүйнө салды
Sputnik Кыргызстан
БИШКЕК, 14-дек. — Sputnik. Обончу, аткаруучу, композитор, педагог Шеркул Дүйшөналиев 68 жаш курагында узакка созулган оорудан дүйнөдөн кайтты. Бул тууралуу... 14.12.2025, Sputnik Кыргызстан
2025-12-14T13:40+0600
2025-12-14T13:40+0600
2025-12-14T13:40+0600
кыргызстан
маданият
обончу
ырчы
некролог
https://sputnik.kg/img/101843/16/1018431669_0:223:4272:2626_1920x0_80_0_0_818ec3ec7f374b9b7b17cb041c86fdef.jpg
БИШКЕК, 14-дек. — Sputnik. Обончу, аткаруучу, композитор, педагог Шеркул Дүйшөналиев 68 жаш курагында узакка созулган оорудан дүйнөдөн кайтты. Бул тууралуу Маданият, маалымат жана жаштар саясаты министрлиги билдирди. Анын чыгармалары ыр сүйгөн кыргызстандыктардын көбүнүн жүрөгүнөн түнөк тапкан.Оркестр коштоосундагы концерттери жана симфониялык ырлары угармандардын эсинде узакка сакталуучу чыгармалардан болуп калды.Шеркул Дүйшөналиев Чүй облусунун Аламүдүн районуна караштуу Байтик айылында 1957-жылы туулган. Бишкектеги музыкалык-педагогикалык окуу жайынан билим алган.Обончу чыгармачылык эмгек жолун Токтогул Сатылганов атындагы Кыргыз улуттук филармониясынын Чоро Кожомжаров атындагы эстрадалык ансамблинде жана "Наристе" тобунда баштаган.Кыргыз радиосунун камералык хорунда көп жылдар бою эмгектенип, республикалык фестивалдардын бир топ сыйлыктарына татыган."Жүрөгүм сезет", "Булактагы кездешүү", "Табият сыры", "Кумар көз", "Көңүл бөлсөң", "Ойлончу", "Сизге тааныш эмеспи", "Үйлөнүү тоюна", "Үмүт", "Жаштар бийи" жана башка обондорду жараткан.Ал өзүнүн ырларын, андан сырткары, көптөгөн обончу, композиторлордун ырларын, эстрадалык ансамблдердин жана симфониялык оркестрдин коштоосунда кыргыз радисунун алтын фондуна жаздырып, калтырып кетти.Шеркул Дүйшөналиевдин чыгармачылыгынын туу чокусу 1980-1990-жылдарга туш келип, анын алгачкы олуттуу чыгармалары музыка чөйрөсүндө чоң кызыгуу менен кабыл алынып, өзгөчө таасирдүүлүгү менен айырмаланып турган.
https://sputnik.kg/20250823/akter-kurmanaliyev-koz-zhumdu-1096067642.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, маданият, обончу, ырчы, некролог
кыргызстан, маданият, обончу, ырчы, некролог
БИШКЕК, 14-дек. — Sputnik. Обончу, аткаруучу, композитор, педагог Шеркул Дүйшөналиев 68 жаш курагында узакка созулган оорудан дүйнөдөн кайтты. Бул тууралуу Маданият, маалымат жана жаштар саясаты министрлиги билдирди. Анын чыгармалары ыр сүйгөн кыргызстандыктардын көбүнүн жүрөгүнөн түнөк тапкан.
Оркестр коштоосундагы концерттери жана симфониялык ырлары угармандардын эсинде узакка сакталуучу чыгармалардан болуп калды.
Шеркул Дүйшөналиев Чүй облусунун Аламүдүн районуна караштуу Байтик айылында 1957-жылы туулган. Бишкектеги музыкалык-педагогикалык окуу жайынан билим алган.
Обончу чыгармачылык эмгек жолун Токтогул Сатылганов атындагы Кыргыз улуттук филармониясынын Чоро Кожомжаров атындагы эстрадалык ансамблинде жана "Наристе" тобунда баштаган.
Кыргыз радиосунун камералык хорунда көп жылдар бою эмгектенип, республикалык фестивалдардын бир топ сыйлыктарына татыган.
"Жүрөгүм сезет", "Булактагы кездешүү", "Табият сыры", "Кумар көз", "Көңүл бөлсөң", "Ойлончу", "Сизге тааныш эмеспи", "Үйлөнүү тоюна", "Үмүт", "Жаштар бийи" жана башка обондорду жараткан.
Ал өзүнүн ырларын, андан сырткары, көптөгөн обончу, композиторлордун ырларын, эстрадалык ансамблдердин жана симфониялык оркестрдин коштоосунда кыргыз радисунун алтын фондуна жаздырып, калтырып кетти.
Шеркул Дүйшөналиевдин чыгармачылыгынын туу чокусу 1980-1990-жылдарга туш келип, анын алгачкы олуттуу чыгармалары музыка чөйрөсүндө чоң кызыгуу менен кабыл алынып, өзгөчө таасирдүүлүгү менен айырмаланып турган.
“Кыргыз элибизге бүтүндөй өмүрүн арнап, маданият жана искусство тармагында өчпөс из калтырып кеткен белгилүү обончу-аткаруучу, композитор Шеркул Дүйшөналиевдин жаркын элеси кыргыз журтунун, маданият, искусство жана музыка сүйүүчүлөрдүн, замандаштарынын, кесиптештеринин, жакын туугандарынын, үй-бүлөсүнүн эсинде түбөлүккө сакталат”, — деп айтылган министрликтин некрологунда.
