https://sputnik.kg/20250731/akademik-vladimir-ploskikhge-arnalgan-nekrolog-1095637879.html
Көлдүн уникалдуу маалыматтарын тапкан. Академик Плоскихге арналган некролог
Көлдүн уникалдуу маалыматтарын тапкан. Академик Плоскихге арналган некролог
Sputnik Кыргызстан
БИШКЕК, 31-июл. — Sputnik. Владимир Михайловичтин дүйнөдөн кайткандыгы — илим, билим жана маданият чөйрөсү үчүн орду толгус жоготуу. Бул тууралуу бийликтин... 31.07.2025, Sputnik Кыргызстан
2025-07-31T21:47+0600
2025-07-31T21:47+0600
2025-08-01T09:37+0600
академик
владимир плоских
некролог
окумуштуу
https://sputnik.kg/img/07e9/07/1f/1095637202_0:44:489:319_1920x0_80_0_0_d7bd3379634db688a39981ccd3a12c1c.jpg
БИШКЕК, 31-июл. — Sputnik. Владимир Михайловичтин дүйнөдөн кайткандыгы — илим, билим жана маданият чөйрөсү үчүн орду толгус жоготуу. Бул тууралуу бийликтин некрологунда жазылган.Эске салсак, 31-июлда тарых илимдеринин доктору, профессор, академик Владимир Плоских узакка созулган оорудан улам 89 жашында дүйнө салган.1937-жылдын 10-апрелинде Акмоло шаарында төрөлгөн Владимир Михайлович өзүнүн илимий жолун мугалимдиктен баштап, КРдин Улуттук илимдер академиясынын вице-президентине чейинки даңктуу эмгек жолун басып өткөн. Анын өмүрүнүн жарым кылымга жакыны академиянын ишмердүүлүгү менен тыгыз байланышта болуп, бул аралыкта ал илимдин уюштуруучусу, жаштардын устаты жана Кыргызстандын тарыхый-маданий мурастарын изилдөөдөгү алдыңкы илимпоз катары терең из калтырган.Ал 300дөн ашуун илимий эмгектин, анын ичинде 30 монографиянын, окуу китептин жана колдонмонун автору. Анын эмгектери студенттер, илимпоздор жана мугалимдер таяна турган баалуу булак болуп калды. Ал Кыргызстандын жана чет өлкөлөрдүн деңгээлинде таанылган энциклопедиялардын, фундаменталдуу жыйнактардын, көркөм жана даректүү чыгармалардын автору жана редактору болгон.Плоских мыкты илимпоз эле эмес, ошондой эле залкар педагог катары да белгилүү болгон. Көп жылдар бою Кыргыз-Россия Славян университетинде тарых жана маданият таануу кафедрасын жетектеп, диссертациялык кеңештин төрагасы болуп иштеп, үч докторду жана 12 илим кандидатын даярдаган. Анын колунан чыккан окумуштуулар бүгүнкү күндө да анын илимий мектебинин урпактары катары илимге салым кошуп келүүдө.Академик өзүнүн илимдеги эмгектери үчүн бир катар жогорку мамлекеттик сыйлыктар менен сыйланган. Окумуштууга II-III даражадагы Манас ордени, Даңк медалы жана Ардак грамоталар ыйгарылган.Бийлик башчылары анын үй-бүлөсүнө, жакындарына, кесиптештерине, окуучуларына, жалпы илимий коомчулукка жана бул улуу инсанды таанып, баалаган бардык адамдарга терең кайгыруу менен көңүл айтат.
https://sputnik.kg/20241126/ernst-akramovgo-biyliktin-nekrologu-1090419288.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
академик, владимир плоских, некролог, окумуштуу
академик, владимир плоских, некролог, окумуштуу
БИШКЕК, 31-июл. — Sputnik. Владимир Михайловичтин дүйнөдөн кайткандыгы — илим, билим жана маданият чөйрөсү үчүн орду толгус жоготуу. Бул тууралуу бийликтин некрологунда жазылган.
Эске салсак, 31-июлда тарых илимдеринин доктору, профессор, академик Владимир Плоских узакка созулган оорудан улам
89 жашында дүйнө салган.“Элге жана Ата Мекенге кызмат кылууну өмүрүнүн маңызына айланткан, дүйнөгө таанылган илимпоз, педагог, изилдөөчү жана жазуучу дүйнөдөн өттү”, — деп жазылган некрологдо.
1937-жылдын 10-апрелинде Акмоло шаарында төрөлгөн Владимир Михайлович өзүнүн илимий жолун мугалимдиктен баштап, КРдин Улуттук илимдер академиясынын вице-президентине чейинки даңктуу эмгек жолун басып өткөн. Анын өмүрүнүн жарым кылымга жакыны академиянын ишмердүүлүгү менен тыгыз байланышта болуп, бул аралыкта ал илимдин уюштуруучусу, жаштардын устаты жана Кыргызстандын тарыхый-маданий мурастарын изилдөөдөгү алдыңкы илимпоз катары терең из калтырган.
“Академик Плоских археология, этнология, кыргыз-орус мамилелери, мамлекеттик түзүлүш маселелери, жазма булактар жана тарыхтагы инсандык роль сыяктуу багыттарда илимге зор салым кошту. Анын жетекчилиги менен Ысык-Көлдө уникалдуу суу алдындагы археологиялык казуулар жүргүзүлүп, мурда белгисиз болгон ондогон тарыхый булактар илимий жүгүртүүгө киргизилген”, — деп жазылган маалыматта.
Ал 300дөн ашуун илимий эмгектин, анын ичинде 30 монографиянын, окуу китептин жана колдонмонун автору. Анын эмгектери студенттер, илимпоздор жана мугалимдер таяна турган баалуу булак болуп калды. Ал Кыргызстандын жана чет өлкөлөрдүн деңгээлинде таанылган энциклопедиялардын, фундаменталдуу жыйнактардын, көркөм жана даректүү чыгармалардын автору жана редактору болгон.
Плоских мыкты илимпоз эле эмес, ошондой эле залкар педагог катары да белгилүү болгон. Көп жылдар бою Кыргыз-Россия Славян университетинде тарых жана маданият таануу кафедрасын жетектеп, диссертациялык кеңештин төрагасы болуп иштеп, үч докторду жана 12 илим кандидатын даярдаган. Анын колунан чыккан окумуштуулар бүгүнкү күндө да анын илимий мектебинин урпактары катары илимге салым кошуп келүүдө.
Академик өзүнүн илимдеги эмгектери үчүн бир катар жогорку мамлекеттик сыйлыктар менен сыйланган. Окумуштууга II-III даражадагы Манас ордени, Даңк медалы жана Ардак грамоталар ыйгарылган.
Бийлик башчылары анын үй-бүлөсүнө, жакындарына, кесиптештерине, окуучуларына, жалпы илимий коомчулукка жана бул улуу инсанды таанып, баалаган бардык адамдарга терең кайгыруу менен көңүл айтат.
26 Жетинин айы 2024, 12:54
