"Нацисттерди коргогон". Москва НАТО аскерлеринин Украинага киришин кабылдабайт
15:36 12.03.2025 (Жаңыртылды: 15:45 12.03.2025)
© Sputnik / Евгений Биятов
Жазылуу
БИШКЕК, 12-мар. — Sputnik. Москва НАТОго мүчө мамлекеттердин аскерлеринин Украинага тынчтык орнотуучулар катары киришин эч кандай шарт менен кабыл албайт. Бул туурасында РФтин ТИМ башчысы Сергей Лавровдун айтканын РИА Новости жазды.
Лавров америкалык блогерлер: Эндрю Наполитаного, Ларри Жонсонго жана Марио Науфалга интервью берген.
Министр негизинен төмөнкүлөргө токтолгон:
Эгерде Украина бийлиги кызматташууга барып жеке демилгелерин ишке ашырса, Крымсыз жана Донбасстын бир бөлүгүсүз 1991-жылдагы чек араларын сактап калмак;
Киев чек араларынан кол жуубаш үчүн Минск макулдашууларын аткарышы керек;
Украина аймагына НАТО күчтөрүнүн, анын ичинде тынчтык орнотуучулар катары кириши Россияга жаралган коопсуздук болот;
Москва НАТО мамлекеттеринин "нацисттик режимдин калган өлкөлөрдө жашап калышын коргогон" аскерлеринин тынчтык орнотуучулар катары Украинага киришин эч кандай шарт менен кабыл албайт;
Россия украин кризиси жаатында адамдардын тагдырын коркунучка салчу компромисске барбоо үчүн эмне кылыш керектигин билет;
Улуу Британия менен Евробиримдик Украинанын айланасында согуштун уланышын каалайт. Алар АКШны Россияга каршы агрессиялык кадамдарды жасоого түртүш үчүн "кандайдыр бир нерселерди даярдап жатат";
АКШ менен Россиянын диалогу туурасында: өзөктүк куралы бар державалар бири-бири менен айыгышпай, сүйлөшүп, кепке келиши шарт;
Москва менен Вашингтондун кызыкчылыктары эч качан окшошпойт, ал тургай 50 пайызга да дал келбейт;
АКШ, Россия, Кытайдын өкүлдөрүнүн өзөктүк курал жаатындагы жолугушуусу тууралуу: Москва урмат-сый менен коштолгон мамилеге негизделген формат үчүн дайым ачык.
