Радиостудия Sputnik Кыргызстан в Бишкеке - Sputnik Кыргызстан, 1920
Радио

Быйыл кесипке багыт берүүгө бюджеттен 8,2 млн. сом бөлүндү

© Sputnik / Асель СыдыковаЭмгек, социалдык камсыздоо жана миграция министрлигинин Бишкек шаардык иш менен камсыз кылууга көмөктөшүү башкармалыгынын кесипке багыт берүү бөлүмүнүн башчысы Асел Иманалиева
Эмгек, социалдык камсыздоо жана миграция министрлигинин Бишкек шаардык иш менен камсыз кылууга көмөктөшүү башкармалыгынын кесипке багыт берүү бөлүмүнүн башчысы Асел Иманалиева - Sputnik Кыргызстан, 1920, 08.02.2024
Жазылуу
Эмгек, социалдык камсыздоо жана миграция министрлигинин Бишкек шаардык иш менен камсыз кылууга көмөктөшүү башкармалыгынын кесипке багыт берүү бөлүмүнүн башчысы Асел Иманалиева республика боюнча кесипке багыт берүүчү тогуз борбор иштээрин айтты.
2024-жылы республикалык бюджеттен кесипке багыт берүүгө 8,2 миллион сом бөлүндү. Кесипке багыт берүү иштери келечектеги жумушсуздук маселесин алдын алат. Бул тууралуу Асел Иманалиева Sputnik Кыргызстан радиосунун эфиринде маек куруп жатып билдирди.
Быйыл кесипке багыт берүүгө бюджеттен 8,2 млн. сом бөлүндү
Анын айтымында, кесипке багыт берүү иштери Германия эл аралык кызматташтык коомунун "Иш менен камсыз кылуу жана кесиптик окутууга көмөк көрсөтүү" долбоорунун алкагында жүрүүдө.
"Долбоордун алкагында ишке орноштуруу кызматтары боюнча методикалык колдонмолор, жаштардын көндүмдөрүн аныктоо үчүн тесттердин ар кандай түрлөрү жана кесиптик багыт берүү боюнча жобо иштелип чыккан. Республика боюнча кесипке багыт берүүчү тогуз борбор ачылып, алар эмерек жана техника менен толук жабдылган. 2024-жылдан баштап бул иш-чараны ишке ашырууга республикалык бюджеттен 8,2 миллион сом бөлүндү. Кызматташуунун маанилүү багыты эмгек рыногунун маалыматтык системасын ишке ашыруу болду. Ал реалдуу убакыт режиминде жергиликтүү калктын иш менен камсыз болушуна мониторинг жүргүзүүгө жана ишке орноштуруу жаатында онлайн кызматтарды көрсөтүүгө мүмкүндүк берет. Ошондой эле долбоордун алкагында Zanyatost.kg веб-порталы иштелип чыгып, анда республикадагы бардык бош орундар, ишке орноштурууга көмөк көрсөтүү жаатындагы ченемдик-укуктук актылар, жаңылыктар жана кызмат көрсөтүүлөр жайгаштырылган ", — деди Иманалиева.
Ал алдыда жумушсуз жаштарды стажировкадан өткөрүү, кайра кайтып келген эмгек мигранттарын ишке орноштуруу жана кесипке үйрөтүү, элеттик аялдарды эмгек рыногуна тартуу жана ден соолугунун мүмкүнчүлүгү чектелген жарандарды иш менен камсыз кылуу иштерин республика боюнча жайылтуу пландалып жатканын кошумчалады.
Жаңылыктар түрмөгү
0