"Бийликке сүйрөсө да барбайм". Мадумаров коюлган айыптар боюнча жооп берди

© Фото / пресс-служба Жогорку КенешаЖогорку Кеңештин депутаты Адахан Мадумаров
Жогорку Кеңештин депутаты Адахан Мадумаров - Sputnik Кыргызстан, 1920, 31.05.2023
Жазылуу
Эл өкүлү аша чаба турган бийлиги жоктугун, бийликти күч менен басып алуу эмес, "чакырса да барбастыгын" билдирди.
БИШКЕК, 31-май — Sputnik. Жогорку Кеңештин депутаты Адахан Мадумаров өзүнө тагылган айыптарды "саясий чечим" деп атады.
Анын кийинки кадамдары кандай боло турганын сураганда адам саясатка аттангандан кийин баарына даяр болушу керектигин айтып, бирок эч нерседен коркпоорун билдирди.
"Массалык башаламандык уюштурууга даярдык көрүү" беренеси боюнча өлкөдө мыйзамды бузбоого менчелик Конституциялык сот дагы чакырбаса керек. Бийликтин эшигин ачып койсо да, сүйрөсө да кирбейм. Өздөрү да "кызмат сунуштасак барбайт" деп жатпайбы. Мен анан кантип чакырса барбаган бийликке күч колдонуп барам? "Бийликтен аша чабуу" дейт, менде кайсы бийлик бар экен айтып бергилечи ошону колдоноюн", — деди Мадумаров.
Депутат азыркы кырдаалды кээ бир мыйзамдарды колдобой, кемчиликтерин ачыктап келгени үчүн кысым көрсөтүү катары жасалган кадам деп сыпаттады.
Ал эми кесиптештери аны жоопко тартууга макулдук береби же жокпу ар бир депутаттын өзүнүн абийиринде деп эсептейт.
"Мурдагы Жогорку Кеңеш менен азыркынын айырмасы бар. Укуктук, тажрыйбалык жана башка тараптан да көз караштары, түшүнүктөрү бир кыйла жогору. Ошондуктан кандай чечим кабыл алат, ал Жогорку Кеңештин өзүнүн колунда", — деди Мадумаров.
Белгилей кетсек, бүгүн башкы прокурор Адахан Мадумаров Кылмыш-жаза кодексинде каралган үч берене боюнча кылмыш жасаганы үчүн жоопко тартууга макулдук сурап парламентке кайрылган.
Жогорку Кеңештин депутаты Адахан Мадумаров. Архив - Sputnik Кыргызстан, 1920, 31.05.2023
Мадумаровго коюлган айыпты иликтөө үчүн депутаттык комиссия түзүлдү. Курамы
Жаңылыктар түрмөгү
0