Жаза күчөтүлөт! Ташиев кылмыштуулук менен күрөшүүдөгү кадамдарын айтты

© Фото / пресс-служба кабинета министров КРУлуттук коопсуздук боюнча мамлекеттик комитеттин төрагасы Камчыбек Ташиев. Архив
Улуттук коопсуздук боюнча мамлекеттик комитеттин төрагасы Камчыбек Ташиев. Архив - Sputnik Кыргызстан, 1920, 24.05.2023
Жазылуу
Ташиев кылмыштуулук менен күрөшүүдө бала, бир тууган, дос-жолдош, туугандардан да баш тартарын айтты.
БИШКЕК, 24-май — Sputnik. Улуттук коопсуздук боюнча мамлекеттик комитеттин төрагасы Камчыбек Ташиев кылмыштуулук менен кантип күрөшүп жатканын өзүнүн социалдык баракчасына жазды.
Анын айтымында, учурда күрөш үч этапка бөлүнгөн:
күрөштү системалаштыруу, багытын аныктоо;
мыйзам чегинде жазалоону күчөтүү;
маалымат, түшүндүрүү, ийгиликтерди чыңдоо.
“Биринчи этап эми гана бүттү, биз ойлогондой оңой болгон жок, эки-үч ай, ашып кетсе 6 айда дегенбиз, бирок 2,5 жылга созулду”, — деди Ташиев.
Ал экинчи этап эми башталарын, анда мыйзам чегинде жазалар максималдуу колдонуларын айтты.
“Экинчи этап 1-1,5 жылга созулат деп ойлойм. Өтө оор болот, жеке мен баарынан баш тартуум керек: майда-чүйдөнү айтпаганда бала, бир тууган, дос-жолдоштор, туугандар”, — деди УКМК төрагасы.
Мамлекеттик кызматты ээлегендерге коррупцияны токтотуу керектиги, мындан ары катуу чара көрүлөрү эскертилди. Ошондой эле “бандиттер, каракчылар, бирөөнүн мүлкүнө көз арткандар, контрабандисттер, мамлекетти алдаган шылуундар түп-тамырынан мыйзам чегинде жок кылынары” айтылды.
“Бул өтө оор, аткарылышы татаал жана кооптуу тапшырма, бирок мен муну аткарамын, менде башка жол жок! Же мени коррупционерлер жеңет, же болбосо мен буларды мыйзамдуу тартипке саламын! Мамлекет башчыбыздын менин алдыма койгон тапшырмасы ушундай, урматтуу мекендештер, коомубуз менен бирдикте күчтүү, акыйкаттуу мамлекетти курабыз! Баарыбыздын убактыбыз өтүп жатат, а меники өтө аз калды! Үлгүрүшүбүз керек!” — деди Ташиев.
УКМК Дары-дармек департаментинин жетекчисин пара менен кармады - Sputnik Кыргызстан, 1920, 24.05.2023
УКМК Дары-дармек департаментинин жетекчисин пара менен кармады
Жаңылыктар түрмөгү
0