https://sputnik.kg/20230511/batken-kurulush-materialy-ishkerler-aryz-1075232069.html
Баткенде курулуш материалын саткан ишкерлер акчасын ала албай бийликке кайрылды
Баткенде курулуш материалын саткан ишкерлер акчасын ала албай бийликке кайрылды
Sputnik Кыргызстан
Арыздар укук коргоо органдарына өткөрүп берилип, териштирүү иштери башталган. 11.05.2023, Sputnik Кыргызстан
2023-05-11T15:44+0600
2023-05-11T15:44+0600
2023-05-11T15:45+0600
кыргызстан
курулуш
баткен облусу
ишкер
арыз
бийлик
кайрылуу
https://sputnik.kg/img/07e6/0a/1e/1069505256_341:473:3076:2012_1920x0_80_0_0_d27bc8247d1ab8d61571704f83265776.jpg
БИШКЕК, 11-май — Sputnik. Тажик тараптын кол салуусунан талкаланган үйлөрдү калыбына келтирүү иштеринин жүрүшүндө курулуш компаниялары менен кызматташып, бирок акчасын ала албай калган баткендик ишкерлер бийликтен жардам сурап кайрылды. Алар бүгүн, 11-майда, Баткен облустук администрациясына келишкенин маалымат кызматы билдирди.Ишкерлер менен президенттин облустагы өкүлүнүн биринчи орун басары Маруфхан Тулаев жолуккан. Нааразы тараптар курулуш компанияларына убагында курулуш материалдарын жана азык-түлүктү карызга берип, акчасын ала албай жаткандыктарын айтышкан.Бул маселе боюнча ишкерлердин арызы укук коргоо органдарына өткөрүп берилип, териштирүү иштери башталганы белгиленди.Буга чейин аталган көйгөйдү Жогорку Кеңештин депутаты Нурлан Ражабалиев да айтып чыккан.Куруучулар да Бишкекке чейин келип, 300дөй адам 30 миллион сомдук акысын ала албай жатканын айтып президентке кайрылуу жасашкан. Алардын айтымында, башкы подрядчы "Аманат курулуш инвест" Капчыгай айылына "Алмалуу Доор курулуш" аттуу субподрядчыны жалдаган. Андан соң ал дагы жети-сегиз суб-субподрядчы жалдап, ар бирине беш-ондон үй бөлүп берген. Кийинчерээк президенттин администрациясы карыздар төлөнө баштаганын билдирген.Белгилей кетсек, Баткенде талкаланган 418 үйдү курууга республикалык бюджеттен 1,3 миллиард сом бөлүнгөн. Президент Садыр Жапаров жаңы жылга чейин баарын куруп бүткөрүүгө тапшырма берген. Бирок ал аткарылбай, кийинчерээк башкы подрядчы "Аманат курулуш инвест" компаниясы март айында иш толук соңуна чыгарын убадалаган. Бирок мөөнөтү кайра-кайра жылып отуруп, эми майда бүтөрү айтылууда. Курулуш иштерин көзөмөлдөө президенттин иш башкармалыгына тапшырылган.
https://sputnik.kg/20230414/batken-uylordun-kurulushu-kechendeyt-teksheruu-1074438592.html
баткен облусу
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, курулуш, баткен облусу, ишкер, арыз, бийлик, кайрылуу
кыргызстан, курулуш, баткен облусу, ишкер, арыз, бийлик, кайрылуу
Баткенде курулуш материалын саткан ишкерлер акчасын ала албай бийликке кайрылды
15:44 11.05.2023 (Жаңыртылды: 15:45 11.05.2023) Арыздар укук коргоо органдарына өткөрүп берилип, териштирүү иштери башталган.
БИШКЕК, 11-май — Sputnik. Тажик тараптын кол салуусунан талкаланган үйлөрдү калыбына келтирүү иштеринин жүрүшүндө курулуш компаниялары менен кызматташып, бирок акчасын ала албай калган баткендик ишкерлер бийликтен жардам сурап кайрылды. Алар бүгүн, 11-майда, Баткен облустук администрациясына келишкенин маалымат кызматы билдирди.
Ишкерлер менен президенттин облустагы өкүлүнүн биринчи орун басары Маруфхан Тулаев жолуккан. Нааразы тараптар курулуш компанияларына убагында курулуш материалдарын жана азык-түлүктү карызга берип, акчасын ала албай жаткандыктарын айтышкан.
Бул маселе боюнча ишкерлердин арызы укук коргоо органдарына өткөрүп берилип, териштирүү иштери башталганы белгиленди.
Буга чейин аталган көйгөйдү Жогорку Кеңештин депутаты Нурлан Ражабалиев
да айтып чыккан.
"Канчалаган дүкөндөрдөн материалдарды алышкан, тамак бышырган ашпозчулары болгон экен. Субподрядчы менен суб-субподрядчылардын ортосундагы маселеден биздин эл кыйналып жатат. Акчасын алган, бирок ал жакка жеткирип берген эмес, качып жүрөт дейт. Андан сырткары, Өзбекстандан куруучулар келип иштеген экен. Аларга да акчасы берилбей кете албай жүрүшөт. Ушул маселени өкмөт катуу көзөмөлгө алып берсеңер", — деген депутат.
Куруучулар да Бишкекке чейин келип, 300дөй адам 30 миллион сомдук акысын ала албай жатканын айтып
президентке кайрылуу жасашкан. Алардын айтымында, башкы подрядчы "Аманат курулуш инвест" Капчыгай айылына "Алмалуу Доор курулуш" аттуу субподрядчыны жалдаган. Андан соң ал дагы жети-сегиз суб-субподрядчы жалдап, ар бирине беш-ондон үй бөлүп берген. Кийинчерээк президенттин администрациясы карыздар
төлөнө баштаганын билдирген.
Белгилей кетсек, Баткенде талкаланган 418 үйдү курууга республикалык бюджеттен 1,3 миллиард сом бөлүнгөн. Президент Садыр Жапаров жаңы жылга чейин баарын куруп бүткөрүүгө тапшырма берген. Бирок ал аткарылбай, кийинчерээк башкы подрядчы "Аманат курулуш инвест" компаниясы март айында иш
толук соңуна чыгарын убадалаган. Бирок мөөнөтү кайра-кайра жылып отуруп, эми майда бүтөрү айтылууда. Курулуш иштерин көзөмөлдөө президенттин иш башкармалыгына тапшырылган.
