Жапаров: "кустуризация" менен акча төккөндөр суранган үчүн атын чыгарбай жатабыз

© Пресс-служба президента КР / Султан ДосалиевКыргызстандын президенти Садыр Жапаров. Архив
Кыргызстандын президенти Садыр Жапаров. Архив - Sputnik Кыргызстан, 1920, 14.04.2023
Жазылуу
Мамлекет башчы эгер кызыккандар кайрылса, баарын ачык көрсөтүп берерин убалады.
БИШКЕК, 14-апр. — Sputnik. 2,5 жылда Башкы прокуратура, УКМК жана ИИМ мамлекетке 10 миллиард сомдон ашык каражат өндүрдү. Бул туурасында президент Садыр Жапаров "Кабар" улуттук агенттигине берген маегинде билдирди.
Анда журналист айрым саясатчылар мамлекетти талап-тоногондордон өндүрүлгөн акчанын жарым-жартылайы мамлекетке түшсө, калганы сол чөнтөккө кеткени туурасында айтып жатканы боюнча сураган.
"Кимде-ким акча төгүп жаткан болсо бир тыйыны коробой, түздөн-түз республикалык казынага келип түшүп жатат. Кызыккандар комиссия түзүп барып текшерип көрүшсүн, кимден канча акча төгүлгөн жана кайсыл күнү казынага түшкөнү баары ачык. Жашыра турган эч нерсе жок. Ачык жарыялап койсок деле болмок. Бирок алардын көпчүлүгүнүн "ачыкка чыгарбасаңар" деген суранычы бар. Ошол үчүн аты-жөнүн чыгара албайбыз. Эгер саясатчыбы, журналисттерден же депутаттардан болобу, кызыкса кайрылсын. Бардык тизмени жана суммаларды көрсөтүп беребиз, мага расмий түрдө кат менен кайрылышсын. Укук коргоо органдарына айтып "кусундулардын" баарын көрсөттүрүп берем. Изин кубалап барышса республикалык бюджетке түшкөнүн көрүшөт", — деди Жапаров.
Президент буга чейин да айрым кыйкырчаак депутаттар алтын уурдадыңар дегенде өздөрүнөн комиссия түздүрүп, текшертүү үчүн баарын ачып берели десе кайра өздөрү качып кетишкенин айтты.
Арак заводу. Архив - Sputnik Кыргызстан, 1920, 14.04.2023
Жапаров: "Аюну" 2,5 жылдан бери эркелеттик, укпады. Завод мамлекетке өтүп жатат
Жаңылыктар түрмөгү
0