https://sputnik.kg/20230412/militsiya-aldamchylyktan-alys-boluunu-eskertken-video-taratty-1074366025.html
"Банктанбыз" деп чалган алдамчылар көбөйдү. Милиция эскертүүчү ролик таратты
"Банктанбыз" деп чалган алдамчылар көбөйдү. Милиция эскертүүчү ролик таратты
Sputnik Кыргызстан
Банктык карталарды колдонуу менен ар кандай акча операцияларын жүргүзүүдө этият болуп, алдамчылардын тузагына түшүп калбоону ИИМдин Кылмыш иликтөө башкы... 12.04.2023, Sputnik Кыргызстан
2023-04-12T11:50+0600
2023-04-12T11:50+0600
2023-04-12T12:58+0600
кыргызстан
иим
кылмыш
иликтөө
алдамчылык
акча
банктык карта
https://sputnik.kg/img/07e7/04/0c/1074370594_0:0:1280:720_1920x0_80_0_0_dc7d6a4fcce11e5598fde931fd857d51.jpg
Бул боюнча тартип сакчылар атайын ролик даярдаган.Киберкылмышкерлер интернетте алдамчылыктын жаңы түрлөрүн ойлоп таап жаткандарын, андыктан алардын курмандыгы болуп калбаш үчүн ичи бузуктардын ыкмаларын жакшы билүү керектигин эскерткен.Эске ала турган нерселер:Пайда табыш үчүн аккаунттарды бузуп, тааныштар аркылуу кат жөнөтүү. Киберкылмышкерлер почтага же социалдык тармактарга баракча ээсинин туугандарына жана досторуна тез арада акча каражатын которуу өтүнүчүн жазып, ар кандай кырдаалдарды ойлоп табышат;Кайрымдуулук, туроператорлор же авиакомпаниялардын жасалма веб-сайттары аркылуу иш кылышат. Дагы бир көңүл буруп койчу жагдай, маселен, "оорулуу" баланы дарылоо үчүн тез арада акча чогултабыз, арзан баадагы ар кандай жолдомолорду беребиз дейт да, чет элдик банк эсебине же электрондук капчыкка акча которууну өтүнүшөт;Пайдалуу киреше сунуштары. Алчы-таасын жеген алдамчы жумуш берүүчүлөр билимди талап кылбай, алыс аралыкта иштөөнү сунушташат. Уюштуруучулук муктаждыктарын төлөө үчүн алдын ала акча талап кылынат. Адам акча которуп бүтөр менен эле жасалма уюм жок болот.Соңку күндөрү "банктан чалып жатабыз" деген алдамчылык активдешүүдө, андан да абайлоо керек.Карточкадагы же банк эсебиндеги акча жоголуп калчудай шектүү иштер болуп жатат деген арбоо менен "банктын коопсуздук кызматы" болуп чалышат."Эсепти калыбына келтирүү жана акчаны кайтаруу үчүн аларга жеке маалыматтар, карта номери керек" дешет. Андай учурда банкка кайра чаларыңызды айтыңыз", — деп кеңеш берди милициядан.Тартип сакчылар банктык карталар менен ар кандай акча операцияларын жүргүзүүдө этият болууну эскертишти."Белгисиз адамдар тарабынан жөнөтүлгөн шектүү шилтемелерге кирбеңиздер, эч качан эч кимге банк картасынын номерин жана паролун (сыр сөзүн) бербеңиз, жеке маалыматтарды ачыкка чыгарбаңыз", — деп айтылат таратылган билдирүүдө.Тема боюнча:
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, иим, кылмыш, иликтөө, алдамчылык, акча, банктык карта, видео
кыргызстан, иим, кылмыш, иликтөө, алдамчылык, акча, банктык карта, видео
"Банктанбыз" деп чалган алдамчылар көбөйдү. Милиция эскертүүчү ролик таратты
11:50 12.04.2023 (Жаңыртылды: 12:58 12.04.2023) Банктык карталарды колдонуу менен ар кандай акча операцияларын жүргүзүүдө этият болуп, алдамчылардын тузагына түшүп калбоону ИИМдин Кылмыш иликтөө башкы башкармалыгы эскертти.
Бул боюнча тартип сакчылар атайын ролик даярдаган.
Киберкылмышкерлер интернетте алдамчылыктын жаңы түрлөрүн ойлоп таап жаткандарын, андыктан алардын курмандыгы болуп калбаш үчүн ичи бузуктардын ыкмаларын жакшы билүү керектигин эскерткен.
Эске ала турган нерселер:
Пайда табыш үчүн аккаунттарды бузуп, тааныштар аркылуу кат жөнөтүү. Киберкылмышкерлер почтага же социалдык тармактарга баракча ээсинин туугандарына жана досторуна тез арада акча каражатын которуу өтүнүчүн жазып, ар кандай кырдаалдарды ойлоп табышат;
Кайрымдуулук, туроператорлор же авиакомпаниялардын жасалма веб-сайттары аркылуу иш кылышат. Дагы бир көңүл буруп койчу жагдай, маселен, "оорулуу" баланы дарылоо үчүн тез арада акча чогултабыз, арзан баадагы ар кандай жолдомолорду беребиз дейт да, чет элдик банк эсебине же электрондук капчыкка акча которууну өтүнүшөт;
Пайдалуу киреше сунуштары. Алчы-таасын жеген алдамчы жумуш берүүчүлөр билимди талап кылбай, алыс аралыкта иштөөнү сунушташат. Уюштуруучулук муктаждыктарын төлөө үчүн алдын ала акча талап кылынат. Адам акча которуп бүтөр менен эле жасалма уюм жок болот.
Соңку күндөрү "банктан чалып жатабыз" деген алдамчылык активдешүүдө, андан да абайлоо керек.
Карточкадагы же банк эсебиндеги акча жоголуп калчудай шектүү иштер болуп жатат деген арбоо менен "банктын коопсуздук кызматы" болуп чалышат.
"Эсепти калыбына келтирүү жана акчаны кайтаруу үчүн аларга жеке маалыматтар, карта номери керек" дешет. Андай учурда банкка кайра чаларыңызды айтыңыз", — деп кеңеш берди милициядан.
Тартип сакчылар банктык карталар менен ар кандай акча операцияларын жүргүзүүдө этият болууну эскертишти.
"Белгисиз адамдар тарабынан жөнөтүлгөн шектүү шилтемелерге кирбеңиздер, эч качан эч кимге банк картасынын номерин жана паролун (сыр сөзүн) бербеңиз, жеке маалыматтарды ачыкка чыгарбаңыз", — деп айтылат таратылган билдирүүдө.
