Министрлик быйылкы кышка даярданууга канча акча жумшалганын айтты

© Sputnik / Табылды КадырбековБишкек ТЭЦи. Архив
Бишкек ТЭЦи. Архив - Sputnik Кыргызстан, 1920, 23.01.2023
Жазылуу
НовостиTelegram
ГЭСтерди куруу үчүн да бюджеттик насыялар бөлүнгөнү белгиленди.
БИШКЕК, 23-янв. — Sputnik. 2023-жылдын күз-кыш мезгилине даярдык жана аны өткөрүүгө байланыштуу энергетика секторундагы иш-чараларды каржылоого 2022-жылы 15 миллиард 251,3 миллион сом бөлүнгөн. Бул туурасында Финансы министрлиги билдирди.
Маалыматка ылайык, "Кыргыз жылуулук энерго" мамлекеттик ишканасына 1 миллиард 575,5 миллион сом берилген. Бул чыгымдар калк үчүн жылуулук энергиясына тарифтерди мамлекеттик жөнгө салууга байланыштуу ишкана тарткан зыянды толуктоого каралган.
Бийик тоолуу жана жетүүгө кыйын аймактарда жашаган калкка электр энергиясына төлөө үчүн 50 пайыздык жөлөк пулдун компенсациясына 148,7 миллион сом которулган.
Бюджеттик мекемелерге көмүр жана отун сатып алууга 305,3 миллион сом берилген.
Бюджеттен каржылануучу уюмдардын коммуналдык чарбага байланыштуу чыгымдарына 2 миллиард 403,7 миллион сом сарпталган.
Электр энергиясын импорттоого, ошондой эле Бишкек жана Ош шаарларынын ТЭЦтери үчүн отун ресурстарын сатып алууга, ошондой эле Камбар-Ата-1 ГЭСине долбоордук изилдөө жүргүзүү жана даярдык көрүү иштерине, Бала-Саруу чакан гидроэлектростанциясын куруу долбоорун ишке ашырууга 10 миллиард 567,5 миллион сом өлчөмүндө бюджеттик насыя бөлүнгөн.
Электр линиялары. Архив - Sputnik Кыргызстан, 1920, 21.01.2023
Былтыр энергетика тармагына 10,5 млрд. сом кредит алынган
Жаңылыктар түрмөгү
0