Чылымды таштаган соң организм канча убакытта калыпка келери айтылды

© AFP 2023 / PHILIPPE MERLEТамеки чегип жаткан айдоочу. Архив
Тамеки чегип жаткан айдоочу. Архив - Sputnik Кыргызстан, 1920, 22.01.2023
Жазылуу
НовостиTelegram
Адис адам тамеки тартуу адатын таштагандан бир суткадан кийин эле кан айлануу системасы жакшырып каларын, бирок репродуктивдүү жана дем алуу системалары мурунку калыбына кайтышы үчүн бир нече ай кетерин айткан.
БИШКЕК, 22-янв. — Sputnik. Адам чылым чегүүнү таштагандан кийин организмдин калыпка келүүсүнө бир нече айдан баштап бир жылга чейинки убакыт керектелет. Россиялык пульмонолог Вячеслав Светлаков "Известия" басылмасына тамекини таштагандан кийинки организмдеги өзгөрүүлөр тууралуу айтып берген.
Изилдөөлөр адам тамекини тартпай калгандан кийин анын өпкөсүнүн 40 пайызга чейинки клеткалары кайра калыбына келиши мүмкүн экендигин аныктаган. Дарыгердин айтымында, бирок бул киши канча жылдан бери жана күнүнө канча тамеки чеккенинен көз каранды. Адистин билдирүүсүнө ылайык, чылымдын түтүнүндө 5 миңден ашык зыяндуу зат бар.
"Бул факторлор дем алуу органдарына зыянын тийгизет. Андан кийин өпкөнүн иштешин бузат. Мындан тышкары, тамекинин түтүнү жүрөк-кан тамыр органдарына, жыныстык системага, териге жана ичегиге терс таасир берет. Инфаркт, инсультка кабылуу коркунучу күчөйт", — деген Светлаков.
Дарыгер чылымды таштагандан кийин организм акырындап калыбына келерин, бир суткадан кийин эле кан айлануу системасынын иши жакшырарын билдирген. Бир нече күндөн соң дем алуу системасы да оңоло баштаарына да токтолгон.
"Ичеги рецепторлорунун сезүүсү жакшырып, сыртындагы былжыр челдин структурасы нормага келет. Бир нече айдан кийин тери да өңүнө чыгып калат", — деп билдирген дарыгер.
Чылымдан кийин дем алуу органдарынын калыпка келүүсү эң көп убакытты аларын кошумчалаган. Ал эми репродуктивдүү система кеминде бир жыл дегенде өз функциясын тийиштүү деңгээлде аткара баштайт.
Кыз тамеки чегип жатат. Иллюстративдик сүрөт - Sputnik Кыргызстан, 1920, 29.11.2022
Чылым чеккен өспүрүмдүн организми кандай кыйналат. Түшүндүрмө
Жаңылыктар түрмөгү
0