Кыргызстандык окуучуларга канча китеп жетишпейт? Инфографика

Жазылуу
Учурда өлкө аймагындагы мектептерде беш миллионго чукул китеп жетишсиз. Sputnik Кыргызстан агенттиги кайсы облустун жалпы билим берүү уюмдары көбүрөөк жаңы китептерге муктаж экендигине кызыгып көрдү.
Билим берүү жана илим министрлигинин маалыматына ылайык, мамлекеттик жана муниципалдык мектептерде 12 миллион 63 миң 121 окуу китеби бар. Ал эми 4 миллион 724 миң 187 китеп жетишпейт. Мындайча айтканда, мектеп окуучуларынын дээрлик 30 пайызында китеп тартыш.
Кыргызстанда азыр 2 353 мектеп болсо, анда 1 миллион 318 миң 465 бала билим алат. Демек, ар бир үчүнчү окуучуда китеп көйгөйү бар.
Ал эми Бишкек шаары менен Чүй, Ош, Жалал-Абад облустарында башка аймактарга салыштырмалуу китеп жетишпестиги боюнча маселе курч турат.
Эске сала кетсек, өткөн жылы мектептеги китепкана фондуларын жаңылоого, толуктоого республикалык бюджеттен 152 миллион сомдой акча бөлүнгөн. Бирок ал каражат азыркыга чейин толук өздөштүрүлө элек.
Жаңылыктар түрмөгү
0