https://sputnik.kg/20221226/aryk-adamdyn-boorun-maj-basaby-1071476343.html
Арык адамдын боорун май басабы? Гастроэнтерологдун түшүндүрмөсү
Арык адамдын боорун май басабы? Гастроэнтерологдун түшүндүрмөсү
Sputnik Кыргызстан
Боорду май басуу инфаркт, инсульт, өттө таштын пайда болуусун жана ракка чалдыгууну үч эсеге жогорулатары белгиленди. 26.12.2022, Sputnik Кыргызстан
2022-12-26T09:25+0600
2022-12-26T09:25+0600
2022-12-26T09:33+0600
кыргызстан
ден соолук
боор
май
дарыгер
https://sputnik.kg/img/07e6/0c/15/1071347349_0:160:3073:1888_1920x0_80_0_0_606d9ab4e3abc0093497f77c5de4521d.jpg
БИШКЕК, 26-дек. — Sputnik. Арык адамдын боорун май басышы мүмкүн. Мындай адамдардагы гепатоз илдети Азия өлкөлөрүндө көп кездешерин гастроэнтеролог, медицина илимдеринин кандидаты, доцент Нургүл Токтогулова Sputnik Кыргызстан агенттигине маек куруп жатып билдирди.Анын айтымында, бул генетикалык дефектиден келип чыгат. Азиаттардын салмагынын индекси европалыктарга караганда азыраак. Айрымдар арыкчырай келсе да курсагы чоң. Ошол ичтеги май кооптуу, себеби инсулинорезистенттүүлүккө алып келет.Ал боорду май басуу инфаркт, инсульт, өттө таштын пайда болуусун жана ракка чалдыгууну үч эсеге жогорулатарын айтып, дарылоо үчүн убагында дартты аныктоо керектигин белгиледи.Дарыгер өлкөдө канча пайыз адамдын боорун май басып кеткенин аныктаган ири изилдөө жүрө электигине токтолду. Анын айтымында, буга каражат жана долбоорлор керек.Токтогулова көп учурда адам кенебестигинен дартты өтүштүрүп жиберерин белгиледи."Бейтаптарда эле эмес, кенебестик дарыгерлерде да бар. Боорду май басып кеткенин УЗИден көрсө да "бул азыр бардык адамда эле кездешет" деп кетирип жиберишет. Боордо май топтолуп, ал 30 пайыздан ашып кеткенде гана УЗИден көрүнөт. Ага чейин бул дартты кантип аныктайбыз? Негизи беш пайыздан өйдө болгондо эле боорду май баскан болуп эсептелет", — деди дарыгер.Адистин маегин толугу менен редакция даярдаган материалдан окусаңыз болот.
https://sputnik.kg/20221225/kyrgyzstan-rossiya-okumushtuular-konferentsiyasy-1071451539.html
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, ден соолук, боор, май, дарыгер
кыргызстан, ден соолук, боор, май, дарыгер
Арык адамдын боорун май басабы? Гастроэнтерологдун түшүндүрмөсү
09:25 26.12.2022 (Жаңыртылды: 09:33 26.12.2022) Боорду май басуу инфаркт, инсульт, өттө таштын пайда болуусун жана ракка чалдыгууну үч эсеге жогорулатары белгиленди.
БИШКЕК, 26-дек. — Sputnik. Арык адамдын боорун май басышы мүмкүн. Мындай адамдардагы гепатоз илдети Азия өлкөлөрүндө көп кездешерин гастроэнтеролог, медицина илимдеринин кандидаты, доцент Нургүл Токтогулова Sputnik Кыргызстан агенттигине маек куруп жатып билдирди.
Анын айтымында, бул генетикалык дефектиден келип чыгат. Азиаттардын салмагынын индекси европалыктарга караганда азыраак. Айрымдар арыкчырай келсе да курсагы чоң. Ошол ичтеги май кооптуу, себеби инсулинорезистенттүүлүккө алып келет.
"Негизи боордун май басышына тамак-аштын сапаты таасир этет. Азыр көзөмөл жок, эмне жеп жатканыбызды да билбей калабыз. Ошол эле суюк майдын сапаты да текшерилбейт. Азыр басып-туруп, телевизор көрүп, конокко барып деле тамак жей беребиз. Биздин ата-бабалар андай эмес болчу да. Дайым кыймылда болгон. Советтер Союзунан бери семирүү, кант диабети үч эсеге көбөйдү", — деди Токтогулова.
Ал боорду май басуу инфаркт, инсульт, өттө таштын пайда болуусун жана ракка чалдыгууну үч эсеге жогорулатарын айтып, дарылоо үчүн убагында дартты аныктоо керектигин белгиледи.
Дарыгер өлкөдө канча пайыз адамдын боорун май басып кеткенин аныктаган ири изилдөө жүрө электигине токтолду. Анын айтымында, буга каражат жана долбоорлор керек.
Токтогулова көп учурда адам кенебестигинен дартты өтүштүрүп жиберерин белгиледи.
"Бейтаптарда эле эмес, кенебестик дарыгерлерде да бар. Боорду май басып кеткенин УЗИден көрсө да "бул азыр бардык адамда эле кездешет" деп кетирип жиберишет. Боордо май топтолуп, ал 30 пайыздан ашып кеткенде гана УЗИден көрүнөт. Ага чейин бул дартты кантип аныктайбыз? Негизи беш пайыздан өйдө болгондо эле боорду май баскан болуп эсептелет", — деди дарыгер.
Адистин маегин толугу менен редакция даярдаган материалдан
окусаңыз болот.
25 Бештин айы 2022, 09:15
