Прокуратура Эмил Жамгырчиевди актоо өкүмүн жокко чыгарууну талап кылууда

© Фото / пресс-служба Жогорку КенешаЖогорку Кеңештин депутаты Эмил Жамгырчиев. Архив
Жогорку Кеңештин депутаты Эмил Жамгырчиев. Архив - Sputnik Кыргызстан, 1920, 06.12.2022
Жазылуу
Депутат Кемпир-Абад маселесинде каршы добуш берген болчу.
БИШКЕК, 6-дек. — Sputnik. Башкы прокуратура Жогорку Кеңештин депутаты Эмил Жамгырчиевди актоо өкүмүн жокко чыгарууну талап кылат. Бул туурасында аталган органдын маалымат кызматы билдирди.
Башкы көзөмөл органы жаңы ачылган жагдайларга байланыштуу Жамгырчиевдин мурда кылмыш ишине тиешеси жоктугун аныктаган өкүмдү жокко чыгарууну сунуштап Жогорку сотко кайрылды. Аны менен кошо ошол эле ишке тиешеси бар өкмөт аппаратынын жетекчисинин мурдагы орун басары Бактыбек Калмуратовду актоо өкүмүн дагы жокко чыгарууну сурап жатканы айтылды.
Белгилей кетсек, буга чейин Жамгырчиев мүчө болгон "Альянс" фракциясынын лидери Жанар Акаев кесиптеши Кемпир-Абад маселесинде "каршы" добуш бергени үчүн жабылган кылмыш ишин кайра жандантуу аракети болуп жатканын билдирген. Жамгырчиевдин сыртка чыгышына тыюу салынып, 26-ноябрда Казакстанга баратып чек арадан өтө албай калган. Андан УКМКга алып келип суракка алышкан, ошондон бери депутат коомчулукка чыга элек.
Эмил Жамгырчиев 2020-жылдын октябрында Финполдо жетекчинин орун басары болуп иштеп жатканда пара алган деп УКМК тарабынан кармалган. Кийин ал мамлекеттик бюджетке 20 миллион сом төгүп, соттон акталып чыккан.
Альянс фракциясынын лидери Жанар Акаев. Архив - Sputnik Кыргызстан, 1920, 30.11.2022
Акаев: Эмил Жамгырчиевдин үйүнөн, унаасынан жашыруун камералар табылды
Жаңылыктар түрмөгү
0