Sputnik Кыргызстан агенттиги көп кырдуу залкар таланттын сүрөттө калган ирмемдерин сунуштайт.Токтосун Тыныбеков 1927-жылы 21-октябрда Жалал-Абад облусунун Аксы районундагы Тегене айылында жарык дүйнөгө келген. Өспүрүм кези согуш жылдарына туш келип, талаада ачка-ток болуп чоңдорго жардам берип өскөн. Мектепти аяктаган соң Казакстандын Караганда шаарындагы өндүрүштөрдүн биринде эки айлык окууну бүтүрүп, ошол эле шаарда шахтёр болуп иштей баштаган.Согуш аяктагандан кийин мектепте мугалим, райондук маданият үйүндө директор болуп эмгектенген. 1949-жылы борбор калаага келип Токтогул Сатылганов атындагы Кыргыз улуттук филармониясында музыкант, солист болгон. Жаш талант Коргоол Досуев, Барпы Алыкулов, Калык Акиевден төкмөлүк боюнча сабак алып, Алымкул Үсөнбаевдин адабий катчысы болгон жайы бар. Ыр-күүгө жакын талант комузда кол ойнотуп, кыл кыяк, темир комуз чертип мыкты обондорду жараткан.Кыргыз ССРине эмгек сиңирген артист филармонияда темир комузчулар ансамблин жетектеген. СССР Жазуучулар союзунун мүчөсү колуна калем алып ыр, айтыш, жомок, эскерүү жыйнактарын жазган. Залкар талант 1987-жылы 55 жашында бул дүйнө менен кош айтышкан.Тема боюнча:— Өз киндигин өзү кескен Касымалы Баялинов. Сүрөттө калган ирмемдери— Эмгектери дүйнө кезген. Гапар Айтиевдин сүрөттө калган элеси
Быйыл белгилүү акын, комузчу, обончу Токтосун Тыныбековдун 95 жылдыгы белгиленүүдө.
Sputnik Кыргызстан агенттиги көп кырдуу залкар таланттын сүрөттө калган ирмемдерин сунуштайт.
Токтосун Тыныбеков 1927-жылы 21-октябрда Жалал-Абад облусунун Аксы районундагы Тегене айылында жарык дүйнөгө келген. Өспүрүм кези согуш жылдарына туш келип, талаада ачка-ток болуп чоңдорго жардам берип өскөн. Мектепти аяктаган соң Казакстандын Караганда шаарындагы өндүрүштөрдүн биринде эки айлык окууну бүтүрүп, ошол эле шаарда шахтёр болуп иштей баштаган.
Согуш аяктагандан кийин мектепте мугалим, райондук маданият үйүндө директор болуп эмгектенген. 1949-жылы борбор калаага келип Токтогул Сатылганов атындагы Кыргыз улуттук филармониясында музыкант, солист болгон. Жаш талант Коргоол Досуев, Барпы Алыкулов, Калык Акиевден төкмөлүк боюнча сабак алып, Алымкул Үсөнбаевдин адабий катчысы болгон жайы бар. Ыр-күүгө жакын талант комузда кол ойнотуп, кыл кыяк, темир комуз чертип мыкты обондорду жараткан.
Кыргыз ССРине эмгек сиңирген артист филармонияда темир комузчулар ансамблин жетектеген. СССР Жазуучулар союзунун мүчөсү колуна калем алып ыр, айтыш, жомок, эскерүү жыйнактарын жазган. Залкар талант 1987-жылы 55 жашында бул дүйнө менен кош айтышкан.
![Тыныбеков айтылуу Барпы Алыкуловдун "Мөлмөлүм" чыгармасынын обонун жазган - Sputnik Кыргызстан](https://sputnik.kg/img/07e6/0a/1d/1069482350_0:0:2047:2614_600x0_80_0_1_c60dc8c1b479decaa7c3adb29fe57157.jpg "Тыныбеков айтылуу Барпы Алыкуловдун "Мөлмөлүм" чыгармасынын обонун жазган")
