Кышкыга тоңдурулган мөмө кандай учурда зыянын тийгизет? Диетологдун жообу

© Фото / Pixabay / RoonZ-nlТоңдурулган мөмөлөр. Иллюстративдик сүрөт
Тоңдурулган мөмөлөр. Иллюстративдик сүрөт - Sputnik Кыргызстан, 1920, 30.08.2022
Жазылуу
Адистин пикиринде, мөмөнү туура тоңдурган учурда ал 80 пайызга чейин пайдалуулугун кармап калат. Тагыраагы, витаминдер менен клетчаткалар ошол бойдон тура берет.
БИШКЕК, 30-авг. — Sputnik. Мөмө-жемиштеги пайдалуу заттарды сактап калыш үчүн кантип тоңдуруу керектигин Sputnik радиосунун эфиринде диетолог Зоя Богданова айтып берди.
Адистин пикиринде, мөмөнү туура тоңдурган учурда ал 80 пайызга чейин пайдалуулугун кармап калат. Тагыраагы, витаминдер менен клетчаткалар ошол бойдон тура берет.
"Мөмөнү муздак сууга жууп туруп, кургатып алуу керек. Жуулбаган мөмөнү тоңдуруу туура эмес. Анын арасында курт-кумурска, алардын жумурткалары, заңы калып калышы мүмкүн. Билинбегени менен булар өтө көп ооруларды ташып жүрөт. Муздаткычта ошол бойдон сакталат дагы, кийин киши билбей жеп алат", — деди Богданова.
Экинчиден, мөмө эзилип, жарылып кетпей, бүтүн бойдон сакталышы керек. Антпесе шереси агып, жөн гана муз болуп калат.
Үчүнчүдөн, витаминдер сакталып калыш үчүн мөмөнү дароо эле өтө муздак температурага салуу керек.
"Идеалында бул 35-45 градус. Бирок үй шартында буга жетүү өтө кыйын. Андыктан тоңдургучту мүмкүн болушунча төмөн градуска түшүрүп, жемиш тоңгондон кийин мурунку калыбына которуп койсо болот", — деди адис.
Сөзүнүн соңунда Богданова мөмөнү кышка сактоонун эң жакшы жолу тоңдуруу экенин кошумчалады. Кыям жасап же компот кайнаткан учурда С витамини менен клеткаткалар жоголуп кетет.
Тоодо саякаттап жүргөн адамдар. Архив - Sputnik Кыргызстан, 1920, 28.06.2022
Кышында оорубаш үчүн жайында эмне кылуу керек? 8 эреже
Жаңылыктар түрмөгү
0