Кытай бир нече багыт боюнча АКШ менен кызматташууну токтотот

© AP Photo / Andy WongКытайдын жана АКШнын желектери. Архив
Кытайдын жана АКШнын желектери. Архив - Sputnik Кыргызстан, 1920, 05.08.2022
Жазылуу
Yandex newsTelegram
Өкүлдөр палатасынын спикери Нэнси Пелосиге жана анын жакындарына каршы санкциялар киргизилгени маалым болду.
БИШКЕК, 25-июл. — Sputnik. Пекин АКШнын Өкүлдөр палатасынын спикери Нэнси Пелосинин Тайванга жасаган сапарына жооп катары Вашингтон менен климаттын өзгөрүшү жана кээ бир багыттар боюнча сүйлөшүүлөрдү токтотуп койду. Бул тууралуу Кытай ТИМинин сайтындагы маалыматта айтылат.
Кеп мыйзамсыз иммигранттарды мекенине кайтаруу, кылмыш-укуктук жардам, трансулуттук кылмыштуулук, баңгизатын көзөмөлдөө жаатында кызматташуу тууралуу болуп жатат.
Мындан тышкары, Кытай коргоо министрлеринин жумушчу жолугушуусун жана эки өлкөнүн аймактык деңгээлдеги аскердик диалогун токтотту. Өкүлдөр палатасынын спикерине жана анын жакындарына каршы санкциялар киргизилгени да маалым болду.
Америкалык аткаминер аралга өзүнүн Азияга жасаган сапарынын алкагында шейшемби күнү барган. Эртеси ал жергиликтүү администрациянын жетекчиси Цай Инвэнь менен жолугушкандан кийин Кореяга учуп кеткен. Бул АКШнын Өкүлдөр палатасынын спикеринин 1997-жылдан бери Тайванга жасаган биринчи сапары болду.
Кытай Тайванды өзүнүн провинциясы катары эсептеп, Пекин менен дипломатиялык мамилеси бар мамлекеттердин Тайбэй менен байланыш түзүүсүнө каршы чыгып келет.
Тайбэйдин Пелосини кабыл алуу чечимине жооп катары Пекин эки тайвандык фондго каршы санкция киргизип, аралга жаратылыш кумун жеткирүүнү, Тайвандан цитрус өсүмдүктөрү менен балык импорттоону токтотту. Кытай ТИМи чечкиндүү жана катуу чара көрүлөрүн жана терс кесепеттерге болгон жоопкерчилик Вашингтон менен Тайбэйдин мойнунда болорун эскертип, армиясы Тайвань булуңунда масштабдуу машыгууларды баштады.
АКШ Конгрессинин спикери Нэнси Пелосини ташыган америкалык аскердик учак Тайбэйдеги аэропортуна конууга даярданууда - Sputnik Кыргызстан, 1920, 04.08.2022
Пелосинин Тайванга сапары. Кылдын учунан кайттык...
Жаңылыктар түрмөгү
0