Кыргызстан Тайвандагы кырдаалга байланыштуу позициясын билдирди

© Пресс-служба правительства / Алишер АлиевТышкы иштер министрлигин имараты
Тышкы иштер министрлигин имараты - Sputnik Кыргызстан, 1920, 03.08.2022
Жазылуу
Yandex newsTelegram
ТИМ кырдаалдын курчушуна жол бербөө үчүн Тайвань аралында чыңалуунун тез арада басылышына, тынчтыкка жана стабилдүүлүккө жетишүүсүнө үмүттөндү.
БИШКЕК, 3-авг. — Sputnik. Кыргызстандын Тышкы иштер министрлиги Тайвандагы кырдаалга байланыштуу үн катты. ТИМ "Кабар" агенттигине комментарий берген.

"Кыргыз Республикасы кыргыз-кытай ортосундагы бардык негизги документтеринде көрсөтүлгөндөй, "Тайвань маселеси" боюнча өзүнүн позициясынын өзгөрбөстүгүн жана "бирдиктүү Кытай" саясатын колдой турганын тастыктайт", — деп билдирди тышкы иштер министри "Кабар" агенттигине.

Министрлик ошондой эле кырдаалдын курчушуна жол бербөө үчүн Тайвань аралында чыңалуунун тез арада басылышына, тынчтыкка жана стабилдүүлүккө жетишүүсүнө үмүттөнгөн.
Эске салсак, 2-август күнү кечинде АКШ Конгрессинин Өкүлдөр палатасынын спикери Нэнси Пелоси Тайванга барды. Ал келүүгө кам көрүп жатканда эле Кытай бийлиги Пелосинин аралга сапары "бирдиктүү Кытай" принцибине каршы келерин жана кырдаалды курчутарын эскерткен. Ал тургай ал учуп келе жаткан учакты Кытай истребителдери тосуп алышы мүмкүн деген божомолдор айтылган. Бирок Кытай тараптан андай аракеттер болгон жок.
Бүгүн Пелосинин Тайванга сапары аяктап, Түштүк Кореяга учуп кетти.
АКШ Конгрессинин Өкүлдөр палатасынын спикери Нэнси Пелоси Тайванга болгон иш сапары - Sputnik Кыргызстан, 1920, 03.08.2022
Пелоси Тайванга сапары чуу менен коштолгон себебин түшүндүрдү
Жаңылыктар түрмөгү
0