Кытай — Кыргызстан — Өзбекстан темир жолун куруу келишимине күздө кол коюлмай болду

© Sputnik / Табылды КадырбековТемир жолун куруу иштери. Архив
Темир жолун куруу иштери. Архив - Sputnik Кыргызстан, 1920, 02.08.2022
Жазылуу
Буга чейин министрлер кабинети КР аймагындагы магистраль Торугарт — Макмал — Жалал-Абад аркылуу өтүшү мүмкүн экенин билдирген.
БИШКЕК, 2-авг. — Sputnik. Самаркандда өтө турган ШКУ саммитинде Кытай — Кыргызстан — Өзбекстан темир жолун куруу боюнча келишимге кол коюу пландалып жатат. Бул тууралуу Өзбекстандын тышкы иштер министринин милдетин аткарып жаткан Владимир Норов билдиргенин Sputnik Өзбекстан жазды.
Бүгүн Ташкентте Өзбекстандын, Азербайжандын жана Түркиянын ТИМ жетекчилеринин, соода жана транспорт министрлеринин жолугушуусу болгон.
"Биз Кытай — Кыргызстан — Өзбекстан темир жолун куруу боюнча долбоордун техникалык-экономикалык негиздемесин түзүп жатабыз. ШКУ мамлекет башчыларынын 15-16-сентябрда Самаркандда өтө турган саммитинде тийиштүү документке кол коюусу пландалууда", — деди Норов.
Анын айтымында, бул темир жол коридорунун Транскавказдык коридор менен биригиши Кытай менен Европанын соода алакасын кеңейтүүгө бирдиктүү транспорттук түйүн түзмөкчү.
"Так ушул себептен улам Өзбекстан Азиядан Европага карай маршрутту кыскарта турган Зангезурский коридорунун калыбына келтирилишине кызыкдар", — деп белгиледи Норов.
Кытай — Кыргызстан — Өзбекстан темир жол магистралы кытай темир жолдорун Өзбекстан менен байланыштырып, андан ары Афганистанга, Иранга жана Түркияга кетиши керек. Буга чейин министрлер кабинети КР аймагындагы магистраль Торугарт — Макмал — Жалал-Абад аркылуу өтүшү мүмкүн экенин билдирген. Долбоор ишке ашса Борбор Азия маанилүү транзиттик маршрутка айланат.
Президент Садыр Жапаров Кытайдын тышкы иштер министри Ван Ини кабыл алды - Sputnik Кыргызстан, 1920, 30.07.2022
Жапаров Кытайдын ТИМ жетекчисин кабыл алып, маанилүү долбоорлорду талкуулады
Жаңылыктар түрмөгү
0