Нарындын тургуну үйүн талкалап, машинасын өрттөгөн айылдаштарына ок чыгарды

© AFP 2022 / JEAN-SEBASTIEN EVRARDКурал кармап турган адам. Архив
Курал кармап турган адам. Архив - Sputnik Кыргызстан, 1920, 08.07.2022
Жазылуу
Yandex newsTelegram
Милиция билдиргендей, булардын ортосундагы чыр жер талаштан улам чыккан. 7-июль күнү айылдын жашоочулары К.Б. аттуу тургунга нааразы болуп, сүйлөшүү үчүн үйүнө барганда жаңжал чыгып, акыры ок атуу менен аяктаган.
БИШКЕК, 8-июл. — Sputnik. Нарында жер талаштан чыккан жаңжалдан улам ок атылып, жергиликтүү алты адам жабыркады. Бул тууралуу облустук ички иштер башкармалыгы билдирди.
Маалыматка караганда, 7-июль күнү саат 22:48дер чамасында Нарын райондук милициясына Хутор-Ак-Талаа айылындагы жашоочунун үйүнө адамдар келип ок чыгарганы тууралуу маалымат түшкөн. Жерине ыкчам тергөө тобу жетип барган.
"Хутор-Ак-Талаа айылынын К.Б аттуу тургунунун үйүнө ошол эле айылдын 30-40ка чукул жашоочусу топтолуп барып үйүнүн терезелерин жана эшиктерин таш менен талкалап, дарбазасынын сыртында токтоп турган Subaru Outback үлгүсүндөгү автоунаасын өрттөп жатышкан учурда үй ээси үйүндө сакталып турган куралы менен топтошкон элди карай ок чыгарган. Натыйжада алты адам ар кандай жаракат алып, Нарын облустук ооруканасына жеткирилген. Үчөөнүн абалы оор болгондуктан операция жасалган. Ал эми калгандарына медициналык биринчи жардам көрсөтүлдү", — деп айтылат маалыматта.
Милиция билдиргендей, булардын ортосундагы чыр жер талаштан улам чыккан. Тараптар бири-бирин айыптап арыз дагы жазышкан. Ал эми 7-июль күнү айылдын жашоочулары К.Б. аттуу тургунга нааразы болуп сүйлөшүү үчүн үйүнө барганда жаңжал чыгып, ок атуу менен аяктаган.
Учурда окуя боюнча ыкчам иликтөө иштери жүргүзүлүүдө. Ошондой эле соттук-медициналык экспертиза дагы дайындалды.
Ички иштер министри Улан Ниязбеков - Sputnik Кыргызстан, 1920, 04.07.2022
Туристтик жайда бир дагы чыр-чатак чыкпасын! ИИМ жетекчиси тапшырма берди
Жаңылыктар түрмөгү
0