Жапаров: ишкерлерге ККМ колдонуу милдети гана калды, башкасынан жеңилдик берилди

© Пресс-служба правительства / Алишер АлиевМИнистрлер кабинетинин төрагасы Акылбек Жапаров ишкерлер менен жолугушуу учурунда
МИнистрлер кабинетинин төрагасы Акылбек Жапаров ишкерлер менен жолугушуу учурунда - Sputnik Кыргызстан, 1920, 08.07.2022
Жазылуу
Өкмөт башчы ККМди киргизүү боюнча жасалып жаткан иштер натыйжа берип жатканын белгиледи.
БИШКЕК, 8-июл. — Sputnik. Кассалык-контролдук машина (ККМ) колдонуу боюнча өкмөт ишкерлер менен бир мунасага келди. Бул туурасында министрлер кабинетинин төрагасы Акылбек Жапаров билдирди.
Ал тийиштүү мамлекеттик органдардын кызматкерлери жана ишкерлер менен жемиштүү иштер жасалып, натыйжа бар экенин белгилеген.
"Кайсы бир учурда биз бизнестин талабын угуп, башка талаштуу маселеде ишкерлер бизди угушту. Жыйынтыгында бир компромисске келдик. Жылдык жүгүртүүсү 8 миллион сомго жетпеген ишкерлерди салыктан бошотуу чечими кабыл алынды. Эгер ал суммадан ашса 0,5 же 1 пайыздык салык алынат. Бардык айып санкцияларын азайтуу каралат", — деди Жапаров.
Ошондой эле ал ККМди тейлөө үчүн бир айлык акынын суммасы азайтыларын кошумчалады.
"Бул сумма 300 сомдун тегерегинде болот, аны менен катар отчет берүү жолдорун максималдуу түрдө жөнөкөйлөтөбүз. Бир гана кассалык-контролдук машина жана эсеп-фактурасын колдонуу милдети калат. Ушул эки инструмент менен биз салыктан качуу адатынан арылып, экономиканы легалдуу аянтчага алып чыгабыз", — деди өкмөт башчы.
Акылбек Жапаров чакан жана орто бизнеске ККМди киргизүү, электрондук эсеп-фактуралар менен камсыздоо үчүн шарттарды талкуулоо жана иштеп чыгуу боюнча жумушчу топтун кеңешмесин өткөргөн.
Акча жана калькулятор. Архив - Sputnik Кыргызстан, 1920, 28.06.2022
ККМ колдонуу: салыктан бошотуу босогосун 16 млн. сомго көтөрүү каралууда
Жаңылыктар түрмөгү
0