https://sputnik.kg/20220613/kuu-kyrgyz-uluttuk-universiteti-1065181917.html

Кыргыз улуттук университетине кантип өтүүгө болот?

Кыргыз улуттук университетине кантип өтүүгө болот?

Sputnik Кыргызстан

Кыргызстандагы 68 жогорку окуу жайдын 33ү мамлекеттик болсо, 35и — жеке менчик. Жусуп Баласагын атындагы Кыргыз улуттук университети бардык илим боюнча билим... 13.06.2022, Sputnik Кыргызстан

2022-06-13T14:45+0600

2022-06-13T14:45+0600

2022-06-13T14:45+0600

жусуп баласагын атындагы кыргыз улуттук университети

абитуриент

https://sputnik.kg/img/104726/31/1047263138_202:300:3310:2048_1920x0_80_0_0_6a9d363f380ed1fbeb4964c3714122df.jpg

Sputnik Кыргызстан агенттиги абитуриенттерге жардам иретинде КУУ тууралуу бардык маалыматтарды чогултту.Кыргыз улуттук университетинин базасында (КУУ) 22 факультет, 2 кесиптик колледж жана бир гимназия бар. 2089 педагог эмгектенип, окуу жай 58 багыт боюнча бакалаврларды даярдайт.КУУга кантип өтүү керек?КУУга документтерди кабыл алуу Билим берүү жана илим министрлигинин тийиштүү буйругу чыккан соң министрликтин сайтында онлайн форматта башталат.Гранттык жана контракттык орундарга кабыл алуу жалпы республикалык тестирлөөнүн жыйынтыгы боюнча жүргүзүлөт.КУУнун бюджетине жана контрактына кирүү үчүн көрсөтүлгөн ЖРТнын босого баллы министрликтин буйругу менен бекитилет.Тиешелүү окуу тармагында көрсөтүлгөн предметтик тесттин жыйынтыгы да талап кылынат. Эгерде сиз университеттин инженердик факультетине тапшырууну пландасаңыз, анда негизги тесттен тышкары физика же математика боюнча кошумча тест талап кылынат (кеминде 60 балл).ЖРТ сертификатын алгандан кийин абитуриент 2020.edu.gov.kg сайтына катталып, өзүнүн профилин толтурушу керек.Кыргызстандын бардык жогорку окуу жайлары министрликтин сайтында керектүү маалыматтарды камтуу менен көрсөтүлөт. Сиз ЖОЖду, багытты, адистикти тандап, ЖРТнын электрондук билетин тапшырышыңыз керек.КУУга кабыл алуу боюнча сынак бардык бош орундар толукталганга чейин өткөрүлөт. Билет тапшыра турган 2020.edu.gov.kg үчүн турлардын максималдуу саны — үч.Эгерде сынактын жыйынтыгы ийгиликтүү болсо, сиз кабыл алуу процедурасынан өтүп, өз адистигиңиз боюнча окууга ниетиңизди окуу жайына ырасташыңыз керек. Бул үчүн кыска мөөнөт ичинде автоматташтырылган маалымат системасына паспорт же туулгандыгы тууралуу күбөлүк, жалпы орто билими жөнүндө аттестат же орто кесиптик билими тууралуу диплом, аттестаттын титул барагы, окуу акысын төлөгөндүгү тууралуу квитанция (же келишим) тиркелиши керек. Бардык документтердин түп нускасы окуу жылынын башында КУУга тапшырылышы керек.КУУга тапшырууга керектүү документтер:КУУга документ кабыл алуу 12-июлда башталып, 31-июлда бүтөт.Улуттук университеттин окуу процесси баллон системасы менен төмөнкү багыттар боюнча жүргүзүлөт:КУУнун факультеттери:Кыргыз улуттук университетинин окуу төлөмү:Университетте эң жогорку келишимдик баа Кыргыз-Европа факультетинде (КЕФ), ага студент жылына 46 500 сом төлөйт. Бул факультетте экономикага байланышкан адистер даярдалат. Эң арзан контракттык төлөм — жылына 31 000 сом. Мындай каражат менен физика, химия, кыргыз филологиясы факультеттеринин студенттери окушат. Ал эми жылына университетке студенттерден 485 миллион сом түшүп турат. Статистика боюнча, бюджеттик орундар 30 пайызга кыскарган.Окуу төлөмүнүн жогорулашы базар экономикасына, инфляцияга жараша болот. Кээ бир факультеттер окутуу баасын 5-10 пайызга жогорулатып жатышат. Айрым факультеттерде контракт жогоруласа, кээ биринде түшүп калат. Окуу төлөмү сом менен эсептелет.Журналистика факультетиБагыттары:ЖурналистикаЖарнама жана коомчулук менен байланышТелевидениеМатематика жана информатика факультетиБагыттары:МатематикаПрикладдык математика жана информатикаПрикладдык информатикаТарых жана чөлкөм таануу факультетиБагыттары:ТарыхЧөлкөм таанууФизика жана электроника факультетиБагыттары:ФизикаТехникалык физикаХимиялык технология факультетиБагыттары:ХимияХимиялык технологияБиология факультетиБагыттары:БиологияБиотехнологияБиоэкологияБиология. Лабораториялык ишГеография, экология жана туризм факультетиБагыттары:ГеографияЭкология жана жаратылышты пайдаланууТуризмГидрометеорологияКыргыз филология факультетиБагыттары:Кыргыз филологиясыЛингвистика (түрк тили)Котормо жана котормо таануу (түрк тили)Котормо жана котормо таануу (кыргыз тили)Кыргызча эмес мекемелерге кыргыз тилин үйрөтүүОрус жана славян филологиясы факультетиБагыттары:Филология (орус)Лингвистика (орус тили чет тили катары)Филологиялык билим берүү (орус тили жана адабият, поляк тили)Котормо жана котормо таанууСоциалдык жана гуманитардык илимдер факультетиБагыттары:ФилософияМаданият таанууПсихологияДин таанууСоциалдык ишТеологияПедагогика (педагогика жана психология)Классикалык психологияЧет тилдери факультетиБагыттары:Лингвистика (англис тили)Лингвистика (немец тили)Лингвистика (француз тили)Лингвистика (түрк тили)Европа таанууКомпьютердик лингвистикаКотормо жана котормо таануу (англис тили)Котормо жана котормо таануу (немец тили, француз тили)Мамлекеттик жана муниципалдык башкаруу факультетиМаалыматтык жана инновациялык технологиялар факультетиБагыттары:Маалыматтык системалар жана технологияларМаалыматтык коопсуздукИнформатика жана компьютердик инженерияПрограммалык инженерияБизнес-информатика. Маалыматтык технологияЭл аралык мамилелер факультетиБагыттары:Эл аралык мамилелерЧыгыш таануу, африканистикаКыргыз-Европа факультетиБагыттары:Кыргыз-европа факультетинде бардык багыттар боюнча чет өлкөлүк жарандарды адистиктер боюнча окутууЭкономика жана башкарууБизнести башкарууБизнести башкаруу факультетиБагыттары:МенеджментКоммерцияСапатты башкарууМаркетингЭкономика факультетиЭкономикаЮридика факультетиБагыттары:ЮриспруденцияСоттук экспертизаБажыКыргыз-Кытай факультетиБагыттары:Лингвистика (кытай тили)Филологиялык билим (кытай тили)Кытай таанууКотормо жана котормо таанууДарылоо иши (адис), чет элдик жарандарды окутууПедагогика факультетиБагыттары:ПедагогикаФилология (кыргыз тили жана адабияты)Филологиялык билим берүү (чет тили)Физико-математикалык билим берүү (математика)Табигый – илимий билим берүү (география)Кесиптик колледжБагыттары:Укук таанууЭкономика жана бухгалтердик эсеп (тармактар боюнча)Финансы (тармактар боюнча)БанкСалык жана салык чогултууМенеджмент (тармактар боюнча)Котормо иши (кытай тили)Маалыматты иштетүүнүн автоматташтырылган системалары жана башкаруу (тармактар боюнча)ЭЭМ үчүн программалык камсыздоо жана автоматташтырылган системаларПрикладдык математикаБашталгыч класстарды окутууМектепке чейинки билим берүүСоциалдык педагогикаКУУ өлкөнүн казынасы үчүн жылына канча каражат төгөт:Мамлекетке улуттук университет киреше булагы жана социалдык фонд боюнча салык төлөйт. Контракттын акчасынан айына 24 миллион сом мугалимдерге айлык катары берилет. Мамлекеттен университетке бюджеттик орундар үчүн жылына 40 миллион сом бөлүнөт. Анын 60-70 пайызы мугалимдердин айлыгына кетет. Мисалы, улук окутуучу үчүн мамлекет 6 миң сом айлык караса, университет ага саатына, илимий даражасына жараша акча кошуп берет. Калган 12 миллион сом казынага салык катары кетет. Ошондо эсептей келгенде бир жылда 144 миллион сом мамлекеттин бюджетине төгөт.Контракттан тышкары төрт жатаканадан жылына 12 миллион сом, университеттин Ысык-Көлдөгү пансионатынан 6 миллион сом жана сегиз диссертациялык кеңештен да каражат түшүп турат. Окуудан тышкары ушуга окшогон дагы киреше булактары бар.Свет, суу, коммуналдык төлөмдөргө ж.б. тейлөөлөр боюнча өлкөнүн казынасына университет тарабынан жылына 564 миллион сом түшөт.КУУ тууралуу кошумча маалымат:2016-2017-окуу жылындагы маалыматтар боюнча КУУда окутуучулук-профессордук курамдын штаттагы кызматкерлеринин саны 2654 болгон. Анын ичинен 1908 кызматкердин окумуштуулук даражасы бар, бул штаттагы кызматкерлердин 71,9 пайызын түзөт. Ошондой эле КУУда көмөкчү орунда 271 кызматкер бар, алардын ичинен 183 адам окумуштуулук даражага ээ. Бул алардын жалпы санынын 67,5 пайызын түзөт. Жалпысынан КУУда 2837 адам иштейт, алардын ичинен 2091 (73,7%) окумуштуулук даражага ээ, ал эми 103 илимдин доктору даражасына ээ, ошондой эле 469 илимдин кандидаты, 67 профессор жана 339 доцент бар.Улуттук университеттин тарыхы:Кыргыз улуттук университети өлкөдөгү жогорку билим берүүнүн көч башы болгон окуу жайлардын бири.Кыргыз автономиялуу облусу түзүлгөн соң 1924-жылы 19-октябрында Ташкент, Алматы шаарларында Агартуу институттары пайда болот. 1925-жылдын 25-октябрында автономиялуу облустун администрациясы Кыргыз агартуу институтун ачуу жөнүндө чечим кабыл алат. Институттун алгачкы карлыгачтарын Ташкент жана Алма-Ата шаарларында билим алган кыргыз жаштары түзгөн. Окуу жайдын билим берүү мөөнөтү алгач 7 жыл болуп, анын үч жылы даярдоо бөлүмү, калган 4 жылы негизги курс болгон.1929-жылдын августунда Кыргыз автономиялуу облусунун комитетинин пленумунун чечими менен алгачкы имаратын куруу, жабдуу, окутуучуларды жана башка кызматчыларды ишке чакыруу милдеттери жүктөлгөн.1932-жылы 13-январда РСФСРдин Элдик комиссариатынын кеңешинин токтомуна ылайык, Борбордук педагогикалык техникумдун базасында Фрунзе педагогикалык институту ачылат. Анда биология, физика-математика, адабият жана коомдук илимдер өңдүү 4 факультет түзүлгөн. Институт биринчи окуу жылын 1932-жылдын 30-октябрында баштап, 1932-жылдын 5-ноябрында педагогикалык институттун расмий ачылышы жасалган.1951-жылдын 24-майында СССР министрлер совети "Фрунзедеги кыргыз педагогикалык институтунун базасында Кыргыз мамлекеттик университетин түзүп, геология жана геодезиялык, тарых, филология, физмат, биология факультеттеринин негизинде окуу жайга биринчи категориядагы Жогорку окуу жайы статусун берүү" жөнүндө токтом кабыл алган.Кыргызстан КП БКнын жана Кыргыз ССРинин министрлер совети 1972-жылы 1-декабрынан №505 токтому менен университетке "СССРдин 50 жылдыгы атындагы кыргыз мамлекеттик университети" наамы ыйгарылган.1993-жылдын 11-августунда президенттин жарлыгынын негизинде Кыргыз мамлекеттик улуттук университети КМУ деп аталат. Ал эми 2002-жылдын 11-майында Жусуп Баласагын атындагы Кыргыз улуттук университети (КУУ) болуп өзгөртүлгөн.Университеттин белгилүү бүтүрүүчүлөрү:Жусуп Баласагын атындагы КУУнун ректорлору:Окуу жайдын дареги:

https://sputnik.kg/20220610/poltihke-okuuga-otuu-kontrakt-1065101184.html

2022

Жаңылыктар

kg_KG

жусуп баласагын атындагы кыргыз улуттук университети, абитуриент